Polisiianyŋ mälımetınşe, er adam mas küiınde būrynǧy jūbaiynyŋ üiıne kelıp, ony balaǧattap, psihologiialyq qysym körsetken. Būl äreketterı otbasylyq-tūrmystyq qatynastar salasyndaǧy qūqyqqa qarsy ıs-äreket retınde tırkeldı. Uchaskelık polisiia inspektory oqiǧa ornyna jetkende, tärtıp būzuşy köşede de, polisiia punktınde de janjal şyǧaryp, ainalasyndaǧylarǧa qūrmetsızdık tanytyp, qoǧamdyq tärtıptı öreskel būzǧan. Bır jyldyŋ ışınde bırneşe ret ūsaq būzaqylyq jasaǧan azamatqa qatysty äkımşılık hattama toltyrylyp, materialdar sotqa joldandy. Sonymen qatar ol sot şeşımımen belgılengen qorǧau nūsqamasyn, tärtıpke salu talaptaryn jäne alkogol tūtynuǧa salynǧan tyiymdy elemegen. Sot şeşımımen qūqyq būzuşy 20 täulıkke äkımşılık qamauǧa alyndy. Polisiia qyzmetkerlerı mūndai äreketterge jol berılmeitının jäne qūqyq qorǧau organdary tarapynan ärbır zaŋ būzuşylyqqa tiıstı qūqyqtyq baǧa berıletının eske salady.

Aqparat közı Polisia.kz