ەكىباستۇز قالاسىندا پوليتسيا باسقارماسى كوشى-قون قىزمەتى ءبولىمىنىڭ قىزمەتكەرلەرى "زاڭسىز كەلۋشى" جەدەل-پروفيلاكتيكالىق ءىس-شاراسى اياسىندا ءتيىستى رۇقساتسىز ەڭبەك قىزمەتىن جۇزەگە اسىرعان 13 شەتەل ازاماتىن انىقتادى. تەكسەرۋ م. ءجۇسىپ جانە م. اۋەزوۆ كوشەلەرىنىڭ قيىلىسىندا ورنالاسقان قۇرىلىس نىسانىندا جۇرگىزىلدى. ءىس-شارا بارىسىندا شەتەل ازاماتتارى ءمان-جايدى انىقتاۋ جانە ءتيىستى شارالار قابىلداۋ ءۇشىن كوشى-قون قىزمەتى بولىمىنە جەتكىزىلدى. اتالعان تۇلعالارعا قاتىستى قازاقستان رەسپۋبليكاسىنىڭ قولدانىستاعى زاڭناماسىنا سايكەس اكىمشىلىك ماتەريالدار تولتىرىلدى.
اقپارات كوزى: Polisia.kz سايتى
