استانا قالاسى مادەنيەت باسقارماسىنىڭ بۇرىنعى باسشىسى بولات ماجاعۇلوۆ پەن ونىڭ سىبايلاسىنا سوت ۇكىمى شىقتى. بولات ماجاعۇلوۆ 8 جىل 6 اي مەرزىمگە باس بوستاندىعىنان ايىرىلدى. ماجاعۇلوۆ جازاسىن قاۋىپسىزدىگى ورتاشا مەكەمەدە وتەيتىن بولادى. ايتا كەتسەك، بولات ماجاعۇلوۆ بىلتىر كۇزدە ۇستالعان بولاتىن. وعان جانە مەردىگەر ۇيىم وكىلدەرىنە قاتىستى اسا ءىرى كولەمدە، انىعى، ءبىر ميلليارد تەڭگە بيۋدجەت قاراجاتىن جىمقىردى دەگەن ايىپ تاعىلعان ەدى.

ال، قىلمىستىق ءىس بويىنشا مەردىگەر ۇيىمنىڭ وكىلى ءمادي قاناپينگە 3,5 جىل بەرىلدى. سوت ونى قارجى جىمقىرۋ جانە قىلمىس جاساۋعا كومەكتەسۋ (قك 189-بابى 4-بولىگى 2-تارماعى، 28-بابى 5-بولىگى) بابى بويىنشا كىنالى دەپ تانىعان.

سوت حابارلاماسىندا، «2025 جىلعى 31 قاڭتاردا استانا قالاسىنىڭ قىلمىستىق ىستەر جونىندەگى اۋدانارالىق سوتى ءوزىنىڭ قىزمەت بابىن پايدالانا وتىرىپ، ادامدار توبىنىڭ الدىن الا ءسوز بايلاسۋىمەن، اسا ءىرى مولشەردە سەنىپ تاپسىرىلعان بيۋدجەت قاراجاتىن تالان-تاراجعا سالعانى ءۇشىن (قك 189-بابى 4-بولىگىنىڭ 2) تارماعى) م.-عا، سونداي-اق وعان كومەكتەسكەنى ءۇشىن (قك 28-بابىنىڭ 5-بولىگى – 189-بابى 4-بولىگىنىڭ 2) تارماعى) ك.-عا قاتىستى ايىپتاۋ ۇكىمىن جاريالادى»، – دەلىنگەن.