شارا بارىسىندا قر پرەزيدەنتىنىڭ كەڭەسشىسى – ءباسپاسوز حاتشىسى رۋسلان جەلدىباي باق قىزمەتكەرلەرىن كاسىبي مەرەكەسىمەن قۇتتىقتادى.  

«مەملەكەت باسشىسى قاسىم-جومارت توقاەۆتىڭ تاپسىرماسىمەن بيىل ءۇشىنشى جىل قاتارىنان جۋرناليستەرگە پاتەر بەرۋ شاراسى ۇيىمداستىرىلىپ وتىر. بۇل – پرەزيدەنتتىڭ وتاندىق مەديا قىزمەتكەرلەرىنە دەگەن ۇلكەن قولداۋى. بيىل پاتەرلەر تەك جۋرناليستەرگە عانا ەمەس، رەجيسسەرلەرگە، وپەراتورلارعا، كوررەكتورلارعا جانە وتاندىق مەديانىڭ وزگە دە ماماندارىنا بەرىلەدى. سونىمەن قاتار ءبىز الەۋمەتتىك وسال توپتارعا ەرەكشە نازار اۋداردىق: پاتەر يەلەرىنىڭ قاتارىندا كوپبالالى جانە مۇمكىندىگى شەكتەۋلى بالا تاربيەلەپ وتىرعان وتباسىلار دا بار. ارىپتەستەرىمىزدىڭ جەتىستىكتەرىنە قۋانىشتىمىز. بارشاڭىزدى شىن جۇرەكتەن قۇتتىقتايمىن!»، – دەدى رۋسلان جەلدىباي.

پاتەر سەرتيفيكاتتارىنا «Qazaqstan» رەسپۋبليكالىق تەلەراديوكورپوراتسياسى، «حابار» اگەنتتىگى» اق، «Qazcontent» اق، «قازاق گازەتتەرى» جشس، «ەۆرازيا+ورت» جشس، «Atameken Business» مەدياحولدينگى، Tengrinews جانە باسقا دا مەديا ۇيىمداردىڭ قىزمەتكەرلەرى يە بولدى.

جاڭا پاتەر يەگەرلەرىنىڭ قاتارىندا دۋبلياج رەداكتورلارى، ەفير وپەراتورلارى، دىبىس رەجيسسەرلەرى، تەلەوپەراتورلار، كوررەكتورلار جانە كۇن سايىن ساپالى اقپاراتتىق ءونىم جاساۋعا ۇلەس قوسىپ جۇرگەن وزگە دە مەديا سالاسىنىڭ ماماندارى بار. مۇلىكتى وتەۋسىز بەرۋ شارتىمەن 2023 جىلى مەملەكەتتىك بەس باق-تىڭ 65 قىزمەتكەرى پاتەر العان بولاتىن. 2024 جىلى ءتۇرلى مەديا قۇرىلىمداردا ەڭبەك ەتەتىن 68 قىزمەتكەرگە باسپانا بەرىلدى. بيىل  ۇلتتىق مەديا كەڭىستىكتىڭ دامۋىنا ۇلەس قوسىپ جۇرگەن جۋرناليستەر مەن تەحنيكالىق مامانداردى قولداۋ ماقساتىنداعى ءداستۇرى بويىنشا مەديا سالاسىنىڭ 66 وكىلى جاڭا پاتەرگە يە بولدى.

اشىق دەرەككوزدەردەن