Şara barysynda QR Prezidentınıŋ Keŋesşısı – Baspasöz hatşysy Ruslan Jeldıbai BAQ qyzmetkerlerın käsıbi merekesımen qūttyqtady.  

«Memleket basşysy Qasym-Jomart Toqaevtyŋ tapsyrmasymen biyl üşınşı jyl qatarynan jurnalisterge päter beru şarasy ūiymdastyrylyp otyr. Būl – Prezidenttıŋ otandyq media qyzmetkerlerıne degen ülken qoldauy. Biyl päterler tek jurnalisterge ǧana emes, rejisserlerge, operatorlarǧa, korrektorlarǧa jäne otandyq medianyŋ özge de mamandaryna berıledı. Sonymen qatar bız äleumettık osal toptarǧa erekşe nazar audardyq: päter ielerınıŋ qatarynda köpbalaly jäne mümkındıgı şekteulı bala tärbielep otyrǧan otbasylar da bar. Ärıptesterımızdıŋ jetıstıkterıne quanyştymyz. Barşaŋyzdy şyn jürekten qūttyqtaimyn!», – dedı Ruslan Jeldıbai.

Päter sertifikattaryna «Qazaqstan» respublikalyq teleradiokorporasiiasy, «Habar» Agenttıgı» AQ, «Qazcontent» AQ, «Qazaq gazetterı» JŞS, «EVRAZİIа+ORT» JŞS, «Atameken Business» mediaholdingı, Tengrinews jäne basqa da media ūiymdardyŋ qyzmetkerlerı ie boldy.

Jaŋa päter iegerlerınıŋ qatarynda dubliaj redaktorlary, efir operatorlary, dybys rejisserlerı, teleoperatorlar, korrektorlar jäne kün saiyn sapaly aqparattyq önım jasauǧa üles qosyp jürgen özge de media salasynyŋ mamandary bar. Mülıktı öteusız beru şartymen 2023 jyly memlekettık bes BAQ-tyŋ 65 qyzmetkerı päter alǧan bolatyn. 2024 jyly türlı media qūrylymdarda eŋbek etetın 68 qyzmetkerge baspana berıldı. Biyl  ūlttyq media keŋıstıktıŋ damuyna üles qosyp jürgen jurnalister men tehnikalyq mamandardy qoldau maqsatyndaǧy dästürı boiynşa media salasynyŋ 66 ökılı jaŋa päterge ie boldy.

Aşyq derekközderden