بيىل ەرەكشە نازار اۋدارىلعان باستى باعىتتاردىڭ ءبىرى — بالالاردىڭ قۇقىقتىق جاعىنان قورعالۋ دەڭگەيى بولدى. جيناقتالعان دەرەكتەرگە سايكەس، بۇل كورسەتكىش 90%-عا جەتىپ، وتكەن جىلمەن سالىستىرعاندا تۇراقتى وڭ ديناميكانى كورسەتىپ وتىر.

كورسەتكىشتىڭ ءوسۋى الدىن الۋ جانە اقپاراتتىق ءتۇسىندىرۋ شارالارىنىڭ ارتۋىمەن بايلانىستى. اتاپ ايتقاندا، 2024 جىلدىڭ باسىنان ەلىمىزدىڭ بارلىق مەكتەپتەرىندە بالالاردىڭ قۇقىقتىق ساۋاتتىلىعىن ارتتىرۋ، قۇقىقتىق ديالوگ مادەنيەتىن دامىتۋ جانە قۇقىقتاردى قورعاۋ جۇيەسىنە سەنىمدەرىن نىعايتۋ ماقساتىندا «مەن ءوز قۇقىعىمدى بىلەمىن» اقپاراتتىق ايدارى ىسكە قوسىلدى.

الەۋمەتتىك زەرتتەۋلەر ناتيجەسىندە وقۋشىلاردىڭ باسىم بولىگى ءوز قۇقىقتارىن بىلەتىنىن جانە ولار بۇزىلعان جاعدايدا قايدا جۇگىنۋ كەرەكتىگىن جاقسى تۇسىنەتىنىن كورسەتكەن.

بالالار ءال-اۋقاتى يندەكسى مەملەكەت باسشىسىنىڭ تاپسىرماسىمەن ءۇش جىل بۇرىن ەنگىزىلگەن جانە ەلدەگى بالا جاعدايىن باعالاۋدىڭ ستراتەگيالىق قۇرالى بولىپ تابىلادى. بۇل قۇرال جاعدايدى ەل بويىنشا عانا ەمەس، وڭىرلىك دەڭگەيدە دە سارالاۋعا، سونداي-اق ۇلتتىق دەرەكتەردى حالىقارالىق ستاندارتتارمەن سالىستىرۋعا مۇمكىندىك بەرەدى.

يندەكستىڭ ادىستەمەسى 56 ينديكاتور بويىنشا ءتورت باعىت بويىنشا جۇرگىزىلەدى: «بالا»، «وتباسى جانە قوعام»، «مەملەكەتتىك ساياسات» جانە «ەلدىڭ ءال-اۋقاتى». ولار دەنساۋلىق ساقتاۋ، ءبىلىم بەرۋ، الەۋمەتتىك قولداۋ، دامۋعا جاعداي جاساۋ جانە بالا تاربيەلەپ وتىرعان وتباسىلاردىڭ جالپى ءومىر ءسۇرۋ دەڭگەيى سياقتى نەگىزگى سالالاردى قامتيدى.

بالا قۇقىقتارى مەن مۇددەلەرىن قورعاۋ جۇمىسى —مەملەكەتتىك ساياساتتىڭ باسىم باعىتتارىنىڭ ءبىرى.

وقۋ-اعارتۋ مينيسترلىگى