Biyl erekşe nazar audarylǧan basty baǧyttardyŋ bırı — balalardyŋ qūqyqtyq jaǧynan qorǧalu deŋgeiı boldy. Jinaqtalǧan derekterge säikes, būl körsetkış 90%-ǧa jetıp, ötken jylmen salystyrǧanda tūraqty oŋ dinamikany körsetıp otyr.

Körsetkıştıŋ ösuı aldyn alu jäne aqparattyq tüsındıru şaralarynyŋ artuymen bailanysty. Atap aitqanda, 2024 jyldyŋ basynan elımızdıŋ barlyq mektepterınde balalardyŋ qūqyqtyq sauattylyǧyn arttyru, qūqyqtyq dialog mädenietın damytu jäne qūqyqtardy qorǧau jüiesıne senımderın nyǧaitu maqsatynda «Men öz qūqyǧymdy bılemın» aqparattyq aidary ıske qosyldy.

Äleumettık zertteuler nätijesınde oquşylardyŋ basym bölıgı öz qūqyqtaryn bıletının jäne olar būzylǧan jaǧdaida qaida jügınu kerektıgın jaqsy tüsınetının körsetken.

Balalar äl-auqaty indeksı Memleket basşysynyŋ tapsyrmasymen üş jyl būryn engızılgen jäne eldegı bala jaǧdaiyn baǧalaudyŋ strategiialyq qūraly bolyp tabylady. Būl qūral jaǧdaidy el boiynşa ǧana emes, öŋırlık deŋgeide de saralauǧa, sondai-aq ūlttyq derekterdı halyqaralyq standarttarmen salystyruǧa mümkındık beredı.

İndekstıŋ ädıstemesı 56 indikator boiynşa tört baǧyt boiynşa jürgızıledı: «Bala», «Otbasy jäne qoǧam», «Memlekettık saiasat» jäne «Eldıŋ äl-auqaty». Olar densaulyq saqtau, bılım beru, äleumettık qoldau, damuǧa jaǧdai jasau jäne bala tärbielep otyrǧan otbasylardyŋ jalpy ömır süru deŋgeiı siiaqty negızgı salalardy qamtidy.

Bala qūqyqtary men müddelerın qorǧau jūmysy —memlekettık saiasattyŋ basym baǧyttarynyŋ bırı.

Oqu-aǧartu ministrlıgı