ساپاردىڭ ءبىرىنشى كۇنى مينيستر بايقوڭىر عارىش ايلاعىنا بارىپ، «بايتەرەك» جوباسىن ىسكە اسىرۋ جانە ونى ىسكە قوسۋعا دايىندىق ماسەلەلەرى بويىنشا كەڭەس وتكىزدى. كەزدەسۋ بارىسىندا جوبانىڭ اعىمداعى مارتەبەسى، دايىندىقتىڭ نەگىزگى كەزەڭدەرى جانە 2025 جىلعا ارنالعان جوسپارلار تالقىلاندى.

سونداي-اق، جاسلان ماديەۆ جەرگىلىكتى اكىمدىك وكىلدەرىمەن كەزدەسۋ وتكىزدى. وندا قالانىڭ الەۋمەتتىك-ەكونوميكالىق دامۋى جانە عارىش ايلاعىنىڭ 70 جىلدىعىنا دايىندىق ماسەلەلەرى قارالدى.

ەرەكشە نازار حالىققا قىزمەت كورسەتۋ ورتالىعىنا (سۋپەرتسون) اۋدارىلدى. اتالعان ورتالىقتا ءبىر توقسان ىشىندە سەرىكتەستەرمەن بىرگە 3 095 قىزمەت كورسەتىلگەن. ەستەرىڭىزگە سالا كەتەيىك، مەملەكەتتىك جانە سەرۆيستىك قىزمەت كورسەتۋ ورتالىعى «سۋپەرتسون» – بۇل ازاماتتارعا مەملەكەتتىك جانە الەۋمەتتىك قىزمەتتەردى ۇسىنۋ پروتسەسىن ەداۋىر جاقسارتۋعا باعىتتالعان يننوۆاتسيالىق ورتالىق. ونىڭ ماقساتى – ازاماتتار كوپتەگەن قىزمەت تۇرلەرىن ءبىر جەردە الا الاتىن كوپفۋنكتسيونالدى ينفراقۇرىلىم قۇرۋ.

2024 جىلى ورتالىق كورسەتىلگەن قىزمەتتەر سانى، قىزمەت كورسەتۋ ساپاسىن ارتتىرۋ جانە يننوۆاتسيالىق شەشىمدەردى ەنگىزۋ بويىنشا جاقسى ناتيجەلەرگە قول جەتكىزدى.

ورتالىق 11 فرونت-ءوفيستى، 19 بەك-ءوفيستى، ارنايى تسون-دى جانە حالىققا قىزمەت كورسەتۋگە قولجەتىمدىلىكتى قامتاماسىز ەتەتىن بىرنەشە بولىمشەنى قامتيدى. جىل باسىنان بەرى ورتالىق الەۋمەتتىك قامتاماسىز ەتۋ، جىلجىمايتىن مۇلىكتى تىركەۋ، تەحنيكالىق قىزمەت كورسەتۋ، قۇجاتتار مەن انىقتامالاردى بەرۋ سياقتى باعىتتار بويىنشا 480 مىڭنان استام قىزمەت كورسەتتى.

سۋپەرتسون جۇمىسى ءوز تيىمدىلىگىن دالەلدەدى. ازاماتتاردان تۇسكەن شاعىمدار دەڭگەيى ءبىر جىلدا 48%-عا تومەندەدى. جەر جوباسىن راسىمدەۋ مەرزىمى 45 كۇننەن 3 جۇمىس كۇنىنە دەيىن قىسقاردى، ال قايتالاما كۋالىكتەردى بەرۋ ۋاقىتى نەبارى 30 مينۋتتى قۇرايدى. قۇجاتتاردى تەز راسىمدەۋگە جانە جىلجىمايتىن مۇلىك قۇقىقتارىن تىركەۋگە مۇمكىندىك بەرەتىن «جاسىل ءدالىز» جوباسى ىسكە قوسىلدى، بۇل ازاماتتاردىڭ ۋاقىتىن جانە شىعىندارىن ايتارلىقتاي قىسقارتتى. سونىمەن قاتار، سۋپەرتسون-دا ەلەكتروندىق قۇجات اينالىمىنا كوشۋ جۇزەگە اسىرىلدى. بۇل جۇمىس پروتسەسىن وڭتايلاندىرىپ، قاعاز، كەڭسە تاۋارلارى جانە كولىك شىعىندارىن ازايتۋعا مۇمكىندىك بەردى.

مينيستر سونداي-اق ورتالىق ينفراقۇرىلىمىن جەتىلدىرۋ جانە مەملەكەتتىك ورگاندار مەن جەكە تۇلعالارمەن ءوزارا ارەكەتتەسۋدى جەدەلدەتۋ ءۇشىن اقپاراتتىق جۇيەلەردى ينتەگراتسيالاۋ جوسپارلارىمەن تانىستى.

وسىدان كەيىن جاسلان ماديەۆ ازاماتتاردى جەكە قابىلداپ، مەملەكەتتىك قىزمەتتەردى تسيفرلاندىرۋعا قاتىستى سۇراقتار مەن ۇسىنىستاردى تىڭدادى.

ءباسپاسوز قىزمەتى