Sapardyŋ bırınşı künı ministr Baiqoŋyr ǧaryş ailaǧyna baryp, «Bäiterek» jobasyn ıske asyru jäne ony ıske qosuǧa daiyndyq mäselelerı boiynşa keŋes ötkızdı. Kezdesu barysynda jobanyŋ aǧymdaǧy märtebesı, daiyndyqtyŋ negızgı kezeŋderı jäne 2025 jylǧa arnalǧan josparlar talqylandy.
Sondai-aq, Jaslan Mädiev jergılıktı äkımdık ökılderımen kezdesu ötkızdı. Onda qalanyŋ äleumettık-ekonomikalyq damuy jäne ǧaryş ailaǧynyŋ 70 jyldyǧyna daiyndyq mäselelerı qaraldy.
Erekşe nazar halyqqa qyzmet körsetu ortalyǧyna (SuperSON) audaryldy. Atalǧan ortalyqta bır toqsan ışınde serıktestermen bırge 3 095 qyzmet körsetılgen. Esterıŋızge sala keteiık, memlekettık jäne servistık qyzmet körsetu ortalyǧy «SuperSON» – būl azamattarǧa memlekettık jäne äleumettık qyzmetterdı ūsynu prosesın edäuır jaqsartuǧa baǧyttalǧan innovasiialyq ortalyq. Onyŋ maqsaty – azamattar köptegen qyzmet türlerın bır jerde ala alatyn köpfunksionaldy infraqūrylym qūru.
2024 jyly ortalyq körsetılgen qyzmetter sany, qyzmet körsetu sapasyn arttyru jäne innovasiialyq şeşımderdı engızu boiynşa jaqsy nätijelerge qol jetkızdı.
Ortalyq 11 front-ofistı, 19 bek-ofistı, arnaiy SON-dy jäne halyqqa qyzmet körsetuge qoljetımdılıktı qamtamasyz etetın bırneşe bölımşenı qamtidy. Jyl basynan berı ortalyq äleumettık qamtamasyz etu, jyljymaityn mülıktı tırkeu, tehnikalyq qyzmet körsetu, qūjattar men anyqtamalardy beru siiaqty baǧyttar boiynşa 480 myŋnan astam qyzmet körsettı.
SuperSON jūmysy öz tiımdılıgın däleldedı. Azamattardan tüsken şaǧymdar deŋgeiı bır jylda 48%-ǧa tömendedı. Jer jobasyn räsımdeu merzımı 45 künnen 3 jūmys künıne deiın qysqardy, al qaitalama kuälıkterdı beru uaqyty nebary 30 minutty qūraidy. Qūjattardy tez räsımdeuge jäne jyljymaityn mülık qūqyqtaryn tırkeuge mümkındık beretın «Jasyl dälız» jobasy ıske qosyldy, būl azamattardyŋ uaqytyn jäne şyǧyndaryn aitarlyqtai qysqartty. Sonymen qatar, SuperSON-da elektrondyq qūjat ainalymyna köşu jüzege asyryldy. Būl jūmys prosesın oŋtailandyryp, qaǧaz, keŋse tauarlary jäne kölık şyǧyndaryn azaituǧa mümkındık berdı.
Ministr sondai-aq ortalyq infraqūrylymyn jetıldıru jäne memlekettık organdar men jeke tūlǧalarmen özara ärekettesudı jedeldetu üşın aqparattyq jüielerdı integrasiialau josparlarymen tanysty.
Osydan keiın Jaslan Mädiev azamattardy jeke qabyldap, memlekettık qyzmetterdı sifrlandyruǧa qatysty sūraqtar men ūsynystardy tyŋdady.
Baspasöz qyzmetı
