قما شىمكەنت قالاسى بويىنشا دەپارتامەنتى ينتەنسيۆتى الما باقتارىن قۇرۋ جانە دامىتۋعا ارنالعان مەملەكەتتىك باعدارلاما اياسىندا بولىنگەن بيۋدجەت قاراجاتىن جىمقىرۋ فاكتىسى بويىنشا تەرگەۋدى اياقتادى.

«ينتەنسيۆتى الما باقتارىن دايىن كۇيىندە تاپسىرۋ» باعدارلاماسى اياسىندا جوبالاردى قارجىلاندىرۋ «اۋىل شارۋاشىلىعىن قارجىلاي قولداۋ قورى» اق ارقىلى جۇزەگە اسىرىلعان.

باعدارلامانىڭ نەگىزگى ماقساتى – دايىن ينفراقۇرىلىمى بار اۋىل شارۋاشىلىعى جەرلەرىن كاسىپكەرلەرلىك سۋبەكتىلەرىنە ليزينگكە بەرۋ بولعان.

تەرگەۋ امالدارىنا ساي، قوردىڭ بۇرىنعى باسقارما توراعاسى ج.د. وماروۆ بايلانىسى بار تۇلعالار مەن باقىلاۋىنداعى ۇيىمداردا، سونىڭ ىشىندە «Green Mart Kazakhstan» جشس-ءىن تارتا وتىرىپ، مەملەكەتتىك قاراجاتتى جىمقىرۋ سحەماسىن ۇيىمداستىرعان.

تاۋارلار مەن جۇمىستاردى ساتىپ الۋ بەلگىلەنگەن راسىمدەردى بۇزا وتىرىپ نەگىزىنەن ءبىر كوزدەن الۋ تاسىلىمەن، باسەكەلەستىك ورتا قامتاماسىز ەتپەي جۇرگىزىلگەن. جابدىقتاردىڭ، ماتەريالداردىڭ جانە قۇرىلىس-مونتاج جۇمىستاردىڭ قۇنى جاساندى تۇردە وسىرىلگەن، ال كوزدەلگەن جۇمىستاردىڭ ءبىر بولىگى ءىس جۇزىندە ورىندالماعان.

سوعان قاراماستان، جالعان قابىلداۋ-تاپسىرۋ اكتىلەرى راسىمدەلىپ، سولاردىڭ نەگىزىندە بيۋدجەت قاراجاتى اۋدارىلعان.

ناتيجەسىندە مەملەكەتكە 430 ملن تەڭگەدەن استام سوماعا زالال كەلتىرىلگەن.

قوسىمشا اگروونەركاسىپتى مەملەكەتتىك قولداۋ شەڭبەرىندە بولىنگەن ينۆەستيتسيالىق سۋبسيديالاردى زاڭسىز الۋ فاكتىلەرى دە انىقتالدى.

وسى ماقساتتا اۋىل شارۋاشىلىعى كووپەراتيۆتەرى قۇرىلىپ، ولاردى ارقىلى باقتاردى دامىتۋعا جانە جۇمسالعان شىعىنداردى وتەۋگە ارنالعان سۋبسيديا الۋعا وتىنىمدەر بەرىلگەن.

ناتيجەسىندە ولاردىڭ شوتتارىنا جالپى سوماسى 327 ملن تەڭگەدەن استام بيۋدجەت قاراجاتى اۋدارىلعان.

الايدا ناقتىسىندا كورسەتىلگەن ماقساتتارعا قاراجاتتىڭ تەك شامامەن 20%-ى عانا جۇمسالىپ، قالعان بولىگى 250 ملن تەڭگەدەن استام قارجى سەنىمدى ادامدار ارقىلى قولما-قول اقشاعا اينالدىرىلىپ، ماقساتسىز پايدالانىلعان.

سوت سانكتسياسىمەن جالپى اۋدانى 108 گەكتار بولاتىن قۇنى 1 ملرد تەڭگەدەن اساتىن جەر ۋچاستكەلەرىنە تىيىم سالىندى.

كۇدىكتى ج.د. وماروۆ قاماۋعا الىندى.

قىلمىستىق ءىس سوتقا جولداندى.

ەسكە سالساق، اتالعان فاكت بويىنشا قوردىڭ بۇرىنعى باسقارۋشى ديرەكتورى م.ك. يسكاكوۆ مەن «Green Mart Kazakhstan» جشس-ءنىڭ باسشىسى ر.ب. سازىنبەك 4 اۆتوكولىك تاركىلەۋمەن بىرگە 8 جىلعا باس بوستاندىعىنان ايىرۋ جازاسىنا سوتتالعان.

قر قما ءباسپاسوز قىزمەتى