QMA Şymkent qalasy boiynşa departamentı intensivtı alma baqtaryn qūru jäne damytuǧa arnalǧan memlekettık baǧdarlama aiasynda bölıngen biudjet qarajatyn jymqyru faktısı boiynşa tergeudı aiaqtady.
«İntensivtı alma baqtaryn daiyn küiınde tapsyru» baǧdarlamasy aiasynda jobalardy qarjylandyru «Auyl şaruaşylyǧyn qarjylai qoldau qory» AQ arqyly jüzege asyrylǧan.
Baǧdarlamanyŋ negızgı maqsaty – daiyn infraqūrylymy bar auyl şaruaşylyǧy jerlerın käsıpkerlerlık subektılerıne lizingke beru bolǧan.
Tergeu amaldaryna sai, Qordyŋ būrynǧy basqarma töraǧasy J.D. Omarov bailanysy bar tūlǧalar men baqylauyndaǧy ūiymdarda, sonyŋ ışınde «Green Mart Kazakhstan» JŞS-ın tarta otyryp, memlekettık qarajatty jymqyru shemasyn ūiymdastyrǧan.
Tauarlar men jūmystardy satyp alu belgılengen räsımderdı būza otyryp negızınen bır közden alu täsılımen, bäsekelestık orta qamtamasyz etpei jürgızılgen. Jabdyqtardyŋ, materialdardyŋ jäne qūrylys-montaj jūmystardyŋ qūny jasandy türde ösırılgen, al közdelgen jūmystardyŋ bır bölıgı ıs jüzınde oryndalmaǧan.
Soǧan qaramastan, jalǧan qabyldau-tapsyru aktılerı räsımdelıp, solardyŋ negızınde biudjet qarajaty audarylǧan.
Nätijesınde memleketke 430 mln teŋgeden astam somaǧa zalal keltırılgen.
Qosymşa agroönerkäsıptı memlekettık qoldau şeŋberınde bölıngen investisiialyq subsidiialardy zaŋsyz alu faktılerı de anyqtaldy.
Osy maqsatta auyl şaruaşylyǧy kooperativterı qūrylyp, olardy arqyly baqtardy damytuǧa jäne jūmsalǧan şyǧyndardy öteuge arnalǧan subsidiia aluǧa ötınımder berılgen.
Nätijesınde olardyŋ şottaryna jalpy somasy 327 mln teŋgeden astam biudjet qarajaty audarylǧan.
Alaida naqtysynda körsetılgen maqsattarǧa qarajattyŋ tek şamamen 20%-y ǧana jūmsalyp, qalǧan bölıgı 250 mln teŋgeden astam qarjy senımdı adamdar arqyly qolma-qol aqşaǧa ainaldyrylyp, maqsatsyz paidalanylǧan.
Sot sanksiiasymen jalpy audany 108 gektar bolatyn qūny 1 mlrd teŋgeden asatyn jer uchastkelerıne tyiym salyndy.
Küdıktı J.D. Omarov qamauǧa alyndy.
Qylmystyq ıs sotqa joldandy.
Eske salsaq, atalǧan fakt boiynşa Qordyŋ būrynǧy basqaruşy direktory M.K. İskakov men «Green Mart Kazakhstan» JŞS-nıŋ basşysy R.B. Sazynbek 4 avtokölık tärkıleumen bırge 8 jylǧa bas bostandyǧynan aiyru jazasyna sottalǧan.
QR QMA Baspasöz qyzmetı
