«قازاۆتوجول» ۇلتتىق كومپانياسى رەسپۋبليكالىق ماڭىزى بار «اتىراۋ – رف شەكاراسى (استراحانعا) اۆتوموبيل جولىن قايتا جاڭارتۋ بويىنشا نەگىزگى جۇمىستاردىڭ اياقتالعانى تۋرالى حابارلايدى. جول ۋچاسكەسىنىڭ ۇزىندىعى 272 شاقىرىم. جوبا جۇمىستارى 2018 جىلى باستالىپ، ەۋروپالىق قايتا قۇرۋ جانە دامۋ بانكىنىڭ نەسيەسى ەسەبىنەن جۇزەگە اسىرىلدى. قايتا جاڭارتۋ جۇمىستارىنان كەيىن جول ءۇشىنشى تەحنيكالىق ساناتتان ەكىنشى ساناتقا اۋىستىرىلدى. ءار باعىتتا ەنى 3,75 مەتردەن تۇراتىن ەكى جولاقتى قوزعالىسى بار جول سالىندى. جوبا اياسىندا 6 كوپىر، 1 جولوتپە، 60 سۋ وتكىزگىش قۇبىر مەن 10 دەمالىس الاڭدارى اباتتاندىرىلدى. سونداي-اق 650 جارىق تىرەگى ورناتىلىپ، جول پايدالانۋشىلار ءۇشىن قولايلى ءارى قاۋىپسىز قوزعالىستى قامتاماسىز ەتىلدى.

قايتا جاڭارتۋ جۇمىستارى حالىقارالىق ستاندارتتارعا سايكەس سالىنىپ، جوبانى جۇزەگە اسىرۋعا قازاقستان، يتاليا، تۇركيا مەن ازەربايجان ەلدەرىنىڭ كومپانيالارى قاتىستى. اتالمىش جۇمىستارعا 650 مامان مەن 450 بىرلىك ارنايى تەحنيكا جۇمىلدىرىلدى. اقتوبە (مۇعالجار) جانە ماڭعىستاۋ (شەتپە) وبلىستارىنان تەمىرجول ارقىلى 3,4 ملن توننا ينتەرتتى ماتەريال جەتكىزىلىپ، جۇمىس بارىسىندا قولدانىلدى. ينەرتتى ماتەريالداردى تاسىمالداۋعا 50 مىڭعا جۋىق جارتى ۆاگون جانە بيتۋم تاسىمالىنا 2,5 مىڭ بيتۋم تاسىعىش قاجەت بولدى.

وسى ۋاقىتتا دەيىن بۇل ۋچاسكە ارقىلى جول ءجۇرۋ ۋاقىتى 5 ساعات بولسا، ال قازىر بۇكىل مارشرۋتتى ءجۇرىپ ءوتۋ ءۇشىن 2 ساعات كەتەدى. بۇل جوبا بارىسىندا سالىنعان ساپالى جول جابىنى مەن زاماناۋي ينفراقۇرىلىمنىڭ ناتيجەسىندە جۇزەگە اسۋدا.

اتىراۋ-استراحان اۆتوموبيل جولىن قايتا جاڭارتۋ بويىنشا جۇمىستاردىڭ اياقتالۋى ايماقتىڭ كولىك ينفراقۇرىلىمىنىڭ دامۋىنا جانە قازاقستان مەن رەسەي اراسىندا بايلانىستى كۇشەيتىپ، ەكونوميكانىڭ دامۋىنا جانە حالىقارالىق ساۋدانىڭ دامۋىنا سەپتىگىن تيگىزبەك.