«QazAvtoJol» ūlttyq kompaniiasy respublikalyq maŋyzy bar «Atyrau – RF şekarasy (Astrahanǧa) avtomobil jolyn qaita jaŋartu boiynşa negızgı jūmystardyŋ aiaqtalǧany turaly habarlaidy. Jol uchaskesınıŋ ūzyndyǧy 272 şaqyrym. Joba jūmystary 2018 jyly bastalyp, Europalyq qaita qūru jäne damu bankınıŋ nesiesı esebınen jüzege asyryldy. Qaita jaŋartu jūmystarynan keiın jol üşınşı tehnikalyq sanattan ekınşı sanatqa auystyryldy. Är baǧytta enı 3,75 metrden tūratyn ekı jolaqty qozǧalysy bar jol salyndy. Joba aiasynda 6 köpır, 1 jolötpe, 60 su ötkızgış qūbyr men 10 demalys alaŋdary abattandyryldy. Sondai-aq 650 jaryq tıregı ornatylyp, jol paidalanuşylar üşın qolaily ärı qauıpsız qozǧalysty qamtamasyz etıldı.

Qaita jaŋartu jūmystary halyqaralyq standarttarǧa säikes salynyp, jobany jüzege asyruǧa Qazaqstan, İtaliia, Türkiia men Äzerbaijan elderınıŋ kompaniialary qatysty. Atalmyş jūmystarǧa 650 maman men 450 bırlık arnaiy tehnika jūmyldyryldy. Aqtöbe (Mūǧaljar) jäne Maŋǧystau (Şetpe) oblystarynan temırjol arqyly 3,4 mln tonna interttı material jetkızılıp, jūmys barysynda qoldanyldy. İnerttı materialdardy tasymaldauǧa 50 myŋǧa juyq jarty vagon jäne bitum tasymalyna 2,5 myŋ bitum tasyǧyş qajet boldy.

Osy uaqytta deiın būl uchaske arqyly jol jüru uaqyty 5 saǧat bolsa, al qazır bükıl marşrutty jürıp ötu üşın 2 saǧat ketedı. Būl joba barysynda salynǧan sapaly jol jabyny men zamanaui infraqūrylymnyŋ nätijesınde jüzege asuda.

Atyrau-Astrahan avtomobil jolyn qaita jaŋartu boiynşa jūmystardyŋ aiaqtaluy aimaqtyŋ kölık infraqūrylymynyŋ damuyna jäne Qazaqstan men Resei arasynda bailanysty küşeitıp, ekonomikanyŋ damuyna jäne halyqaralyq saudanyŋ damuyna septıgın tigızbek.