21 قازاننان 22 قازانعا قاراعان ءتۇنى №86 «شىمكەنت-استانا» پويىزىندا كەلە جاتىپ، جولاۋشىنىڭ تولعاعى باستالعان. ساعات 23:30-دا كۇيەۋى پويىز قىزمەتكەرلەرىنەن شۇعىل كومەك سۇرادى.
«پويىز باستىعى گۇلشات قاراكۇلوۆا مەن جولسەرىك انارا ادامباەۆا جەدەل تۇردە بارلىق قاجەتتى شارانى قابىلداپ، جولاۋشىنىڭ امان-ەسەن بوسانۋىنا كومەكتەستى. ناتيجەسىندە، 21 قازان كۇنى ساعات 23:55-تە قىز بالا دۇنيەگە كەلدى»، - دەپ مالىمدەدى جولاۋشىلار تاسىمالى» اق ءباسپاسوز قىزمەتى.
سارى-شاعان ستانتسياسىنا جەتكەندە جەدەل جاردەم شاقىرىلىپ، جاس انا مەن جاڭا تۋعان نارەستە دارىگەرلەردىڭ قاراۋىنا تاپسىرىلدى.
ەسكە سالا كەتەيىك، سوڭعى 3 جىل ىشىندە «جولاۋشىلار تاسىمالى» اق پويىزدارىندا 14 ءسابي دۇنيەگە كەلگەن.
