شارا «استانا – ەسىرتكىسىز قالا» ناشاقورلىقپەن كۇرەس جانە ونىڭ الدىن الۋ جونىندەگى كەشەندى ءىس-شارالار جوسپارى اياسىندا ۇيىمداستىرىلدى. وعان ەلوردالىق ەسىل اۋدانى اكىمدىگىنىڭ قىزمەتكەرلەرى، پوليتسيا قىزمەتكەرلەرى مەن «استانا جاستارى» جاستار رەسۋرستىق ورتالىعىنىڭ ەرىكتىلەرى قاتىستى.

نارازىلىق بىلدىرۋشىلەر قاۋىپتى جارنامانىڭ تارالۋىنا جول بەرمەۋ ءۇشىن ەسىرتكى ساتۋ تۋرالى جارنامالاردى بوياپ تاستادى.

«استانادا ەسىرتكىنى ناسيحاتتاۋ فاكتىلەرى بويىنشا 2024 جىلى، سول سياقتى 2025 جىلدىڭ قاڭتار ايىندا 35 قىلمىستىق ءىس قوزعالدى. گراففيتيدى جارنامالاۋعا تىيىم سالىنعان زاتتاردى انىقتاۋ جانە جويۋ بويىنشا بەلسەندى جۇمىستار جۇرگىزىلۋدە. 2024 جىلى ەلوردادا 2747 جارناما ءوشىرىلدى. سونىمەن قاتار، ەسىرتكى ساتاتىن 268 ۆەب-سايت بۇعاتتالدى»، - دەدى استانا قالالىق پوليتسيا دەپارتامەنتى ەسىرتكى قىلمىسىنا قارسى كۇرەس باسقارماسىنىڭ اعا جەدەل ۋاكىلى لەيلا راحيموۆا.

ەلوردالىق ەرىكتىلەر مۇنداي شارالارعا تۇراقتى تۇردە قاتىسىپ تۇرادى.

«ەسىرتكى جارنامالانعان قابىرعالاردى بوياۋ – جاستاردىڭ قاۋىپسىز بولاشاعىنا قوسقان ۇلەسىمىز. بۇل ءىس-شارالار ەسىرتكى قىلمىسىمەن كۇرەستىڭ تيىمدىلىگىن ارتتىرۋعا سەپتىگىن تيگىزەدى دەپ سەنەمىز»، - دەپ اتاپ ءوتتى «استانا جاستارى» مكقك-نىڭ ۆولونتەرى ەليزاۆەتا پريبىتكوۆا.