Şara «Astana – esırtkısız qala» naşaqorlyqpen küres jäne onyŋ aldyn alu jönındegı keşendı ıs-şaralar jospary aiasynda ūiymdastyryldy. Oǧan elordalyq Esıl audany äkımdıgınıŋ qyzmetkerlerı, polisiia qyzmetkerlerı men «Astana jastary» jastar resurstyq ortalyǧynyŋ erıktılerı qatysty.
Narazylyq bıldıruşıler qauıptı jarnamanyŋ taraluyna jol bermeu üşın esırtkı satu turaly jarnamalardy boiap tastady.
«Astanada esırtkını nasihattau faktılerı boiynşa 2024 jyly, sol siiaqty 2025 jyldyŋ qaŋtar aiynda 35 qylmystyq ıs qozǧaldy. Graffitidı jarnamalauǧa tyiym salynǧan zattardy anyqtau jäne joiu boiynşa belsendı jūmystar jürgızılude. 2024 jyly elordada 2747 jarnama öşırıldı. Sonymen qatar, esırtkı satatyn 268 veb-sait būǧattaldy», - dedı Astana qalalyq polisiia departamentı Esırtkı qylmysyna qarsy küres basqarmasynyŋ aǧa jedel uäkılı Leila Rahimova.
Elordalyq erıktıler mūndai şaralarǧa tūraqty türde qatysyp tūrady.
«Esırtkı jarnamalanǧan qabyrǧalardy boiau – jastardyŋ qauıpsız bolaşaǧyna qosqan ülesımız. Būl ıs-şaralar esırtkı qylmysymen kürestıŋ tiımdılıgın arttyruǧa septıgın tigızedı dep senemız», - dep atap öttı «Astana jastary» MKQK-nyŋ volontery Elizaveta Pribytkova.
