اگەنتتىك باسشىسى اسحات جۇماعالي 2024 جىلدىڭ قورىتىندىسى بويىنشا كەڭەيتىلگەن ماجىلىستە اتاپ وتكەندەي، قوعامدا زاڭ مەن ءتارتىپ يدەولوگياسىن بەكىتۋ ماقساتىندا الەۋمەتتىك سالاداعى سىبايلاس جەمقورلىق كورىنىستەرى سىبايلاس جەمقورلىققا قارسى قىزمەتتىڭ نازارىندا.

2024 جىلى اگەنتتىك ەڭبەك جانە حالىقتى الەۋمەتتىك قورعاۋ مينيسترلىگىنىڭ قىزمەتىندەگى سىبايلاس جەمقورلىق تاۋەكەلدەرىنە سىرتقى تالداۋ جۇرگىزدى. سوڭعى بەس جىلدا الەۋمەتتىك قورعاۋ شارالارىنا بيۋدجەتتەن 23 ترلن تەڭگە ءبولىندى. الداعى 2 جىلعا تاعى 13 ترلن تەڭگە جوسپارلانعان. نەگىزگى سىبايلاس جەمقورلىق تاۋەكەلدەرى مۇگەدەكتىكتى بەلگىلەۋ، جۇمىسپەن قامتۋعا جاردەمدەسۋ جانە الەۋمەتتىك تولەمدەر مەن قىزمەتتەرگە بيۋدجەت قاراجاتىن يگەرۋ ماسەلەلەرىندە انىقتالدى.

ولار اسىرەسە الەۋمەتتىك كومەككە جۇگىنەتىن ازاماتتاردىڭ وسال ساناتتارىنا اسەر ەتەدى. جوسىقسىز قىزمەتكەرلەر قولدانىستاعى ولقىلىقتاردى پاراقورلىق پەن قىزمەتتىك وكىلەتتىگىن اسىرا پايدالانۋ ءۇشىن ءجيى قولدانادى.

جوعارىدا ايتىلعاندار قىلمىستىق قۇقىقتىق تاجىريبەمەن دە راستالادى. مىسالى، شىمكەنتتە ەڭبەك جانە الەۋمەتتىك قورعاۋ دەپارتامەنتىنىڭ ءبولىم باسشىسى مەن قالالىق ەمحانا قىزمەتكەرىنە قاتىستى ۇكىم شىعارىلدى، ولار مۇگەدەك بالالاردىڭ اتا-انالارىنان مۇگەدەكتىك توبىن بەلگىلەگەنى ءۇشىن جۇيەلى تۇردە پارا الىپ وتىرعان.

سىبايلاس جەمقورلىق تاۋەكەلدەرىنە سىرتقى تالداۋ بارىسىندا شەشۋدى قاجەت ەتەتىن بىرقاتار نەگىزگى ماسەلەلەر انىقتالدى.

اگەنتتىكپەن مەديتسينالىق-الەۋمەتتىك ساراپتاماعا قاتىستى 5,2 مىڭنان استام ايلا-شارعى جاساۋدىڭ فاكتىسى انىقتالدى، وندا ماماندار نەگىزسىز مۇگەدەكتىك تاعايىنداعان نەمەسە ودان باس تارتقان.

مۇگەدەكتىگى بار ادامدارعا ارنالعان تاۋارلار مەن قىزمەتتەردىڭ باعاسىن نەگىزسىز كوتەرۋ، سونداي-اق جالعان جەتكىزىلىمدەر فاكتىلەرى تىركەلدى، بۇل 830 ميلليون تەڭگەنىڭ ماقساتسىز جۇمسالۋىنا اكەلدى. اتاپ ايتقاندا، شىمكەنت قالاسىندا گيگيەنالىق قۇرالدارعا نەگىزسىز تولەنگەن سوما 200 ميلليون تەڭگەنى قۇرادى.

1,2 مىڭنان استام جالعان بيزنەس قۇرۋ جانە الەۋمەتتىك تولەمدەردى الۋ ءۇشىن كىرىستەردى كوبەيتۋ جاعدايلارى انىقتالدى.

سونىمەن قاتار جالعان جۇمىسپەن قامتۋدىڭ 500-دەن استام جاعدايى انىقتالدى، وندا 168 ملن تەڭگە كولەمىندە مەملەكەتتىك سۋبسيديالار قاعاز جۇزىندە ءبولىندى، بىراق ادامدار ءىس جۇزىندە جۇمىسقا ورنالاسپادى.

تالداۋ قورىتىندىسى بويىنشا مەديتسينالىق-الەۋمەتتىك ساراپتاما پروتسەستەرىن اۆتوماتتاندىرۋعا جانە جۇمىسپەن قامتۋدى قامتاماسىز ەتۋگە باعىتتالعان بىرقاتار ۇسىنىمدار ازىرلەندى.

مەملەكەتتىك ورگانداردىڭ دەرەكقورلارىمەن ينتەگراتسيالاۋ جانە تاۋەكەلدەردى باسقارۋ جۇيەسىن ەنگىزۋ ارقىلى باقىلاۋ تەتىكتەرىن كۇشەيتۋ ۇسىنىلدى. باستى مىندەت – بيۋدجەت قاراجاتىن پايدالانۋداعى اشىقتىقتى جانە حالىقتىڭ وسال توپتارىنىڭ مۇددەلەرىن قورعاۋدى قامتاماسىز ەتۋ بولىپ تابىلادى.