Agenttık basşysy Ashat Jūmaǧali 2024 jyldyŋ qorytyndysy boiynşa keŋeitılgen mäjılıste atap ötkendei, qoǧamda zaŋ men tärtıp ideologiiasyn bekıtu maqsatynda äleumettık saladaǧy sybailas jemqorlyq körınısterı Sybailas jemqorlyqqa qarsy qyzmettıŋ nazarynda.
2024 jyly Agenttık Eŋbek jäne halyqty äleumettık qorǧau ministrlıgınıŋ qyzmetındegı sybailas jemqorlyq täuekelderıne syrtqy taldau jürgızdı. Soŋǧy bes jylda äleumettık qorǧau şaralaryna biudjetten 23 trln teŋge bölındı. Aldaǧy 2 jylǧa taǧy 13 trln teŋge josparlanǧan. Negızgı sybailas jemqorlyq täuekelderı mügedektıktı belgıleu, jūmyspen qamtuǧa järdemdesu jäne äleumettık tölemder men qyzmetterge biudjet qarajatyn igeru mäselelerınde anyqtaldy.
Olar äsırese äleumettık kömekke jügınetın azamattardyŋ osal sanattaryna äser etedı. Josyqsyz qyzmetkerler qoldanystaǧy olqylyqtardy paraqorlyq pen qyzmettık ökılettıgın asyra paidalanu üşın jiı qoldanady.
Joǧaryda aitylǧandar qylmystyq qūqyqtyq täjıribemen de rastalady. Mysaly, Şymkentte Eŋbek jäne äleumettık qorǧau departamentınıŋ bölım basşysy men qalalyq emhana qyzmetkerıne qatysty ükım şyǧaryldy, olar mügedek balalardyŋ ata-analarynan mügedektık tobyn belgılegenı üşın jüielı türde para alyp otyrǧan.
Sybailas jemqorlyq täuekelderıne syrtqy taldau barysynda şeşudı qajet etetın bırqatar negızgı mäseleler anyqtaldy.
Agenttıkpen medisinalyq-äleumettık saraptamaǧa qatysty 5,2 myŋnan astam aila-şarǧy jasaudyŋ faktısı anyqtaldy, onda mamandar negızsız mügedektık taǧaiyndaǧan nemese odan bas tartqan.
Mügedektıgı bar adamdarǧa arnalǧan tauarlar men qyzmetterdıŋ baǧasyn negızsız köteru, sondai-aq jalǧan jetkızılımder faktılerı tırkeldı, būl 830 million teŋgenıŋ maqsatsyz jūmsaluyna äkeldı. Atap aitqanda, Şymkent qalasynda gigienalyq qūraldarǧa negızsız tölengen soma 200 million teŋgenı qūrady.
1,2 myŋnan astam jalǧan biznes qūru jäne äleumettık tölemderdı alu üşın kırısterdı köbeitu jaǧdailary anyqtaldy.
Sonymen qatar jalǧan jūmyspen qamtudyŋ 500-den astam jaǧdaiy anyqtaldy, onda 168 mln teŋge kölemınde memlekettık subsidiialar qaǧaz jüzınde bölındı, bıraq adamdar ıs jüzınde jūmysqa ornalaspady.
Taldau qorytyndysy boiynşa medisinalyq-äleumettık saraptama prosesterın avtomattandyruǧa jäne jūmyspen qamtudy qamtamasyz etuge baǧyttalǧan bırqatar ūsynymdar äzırlendı.
Memlekettık organdardyŋ derekqorlarymen integrasiialau jäne täuekelderdı basqaru jüiesın engızu arqyly baqylau tetıkterın küşeitu ūsynyldy. Basty mındet – biudjet qarajatyn paidalanudaǧy aşyqtyqty jäne halyqtyŋ osal toptarynyŋ müddelerın qorǧaudy qamtamasyz etu bolyp tabylady.
