ارال اۋدانىندا شىعارماشىل ءارى كرەاتيۆتى جاستاردىڭ باسىن قوسقان جايدارمان ويىندارىنىڭ فينالدىق كەزەڭى ءوتتى. اتالعان شارانى «اۋىل» پارتياسى قىزىلوردا وبلىستىق فيليالىنىڭ «اۋىل جاستارى» جاستار قاناتى مەن «ارال-اس» شىعارماشىلىق توبى ۇيىمداستىردى.
كوڭىلدى تاپقىرلار دوداسىنا اۋداننىڭ بەلسەندى جاستارى قاتىسىپ، ءوز ونەرلەرى مەن تاپقىرلىقتارىن ورتاعا سالدى. فينالدىق كەزەڭ بارىسىندا كوماندالار قوعامداعى وزەكتى ماسەلەلەردى ءازىل ارقىلى كوتەرىپ، «زاڭ مەن ءتارتىپ»، «ادال ازامات» تاقىرىپتارى اياسىندا مازمۇندى قويىلىمدار كورسەتتى. سونىمەن قاتار، جاستار ەل بىرلىگى، قوعامدىق جاۋاپكەرشىلىك جانە ادالدىق قۇندىلىقتارىن ناسيحاتتادى.
شارا اياسىندا اۋداننىڭ بەلسەندى جاستارى مەن كوماندا جەتەكشىلەرى «اۋىل» پارتياسىنىڭ توراعاسى، قر پارلامەنتى ءماجىلىسىنىڭ دەپۋتاتى ەگىزباەۆ سەرىك راحمەتوللاۇلى جانە «اۋىل» پارتياسى قىزىلوردا وبلىستىق فيليالىنىڭ توراعاسى، وبلىستىق ءماسليحات دەپۋتاتى مۇستافا سادىق شوڭمۇرىنۇلى اتىنان ارنايى العىس حاتتارمەن ماراپاتتالدى.
سونىمەن قاتار، قاتىسۋشىلار مەن جەڭىمپازدارعا العىس حاتتار، ديپلومدار جانە كۋبوكتار تابىستالىپ، ۇزدىك قۇرامالار الداعى وبلىستىق جايدارمان چەمپيوناتىنا جولداما الدى.
اتالعان شارا جاستاردىڭ شىعارماشىلىق قابىلەتىن شىڭداپ، ولاردىڭ قوعامدىق بەلسەندىلىگىن ارتتىرۋعا باعىتتالعان ماڭىزدى الاڭعا اينالدى.
