اقتوبە قالاسىنىڭ سازدى وزەنى ماڭىندا باستالعان ءورت باۋ-باقشا ۇجىمىنىڭ تۇرعىندارىن ابىگەرگە سالدى. قازىر مۇندا ءورت سوندىرۋشىلەر مەن جەرگىلىكتى اتقارۋشى ورگاننىڭ ماماندارى، پوليتسيا ءجۇر.

- اقتوبە قالاسى استانا اۋدانى سازدى وزەنى بويىنداعى لەسنوە ماڭىندا قامىس جانىپ جاتقانى تۋرالى اقپارات كەلىپ ءتۇستى. وقيعا ورنىنا تجد گارنيزونىنان 37 ادام، 10 تەحنيكا جۇمىلدىرىلدى. جەرگىلىكتى اتقارۋشى ورگانداردان 10 تەحنيكا مەن 7 ادام بار. قازىرگى كەزدە ءورت ءسوندىرۋ جۇمىسى جالعاسىپ جاتىر، - دەدى وبلىستىق تجد باستىعىنىڭ ورىنباسارى ايبات جاڭابەرگەنوۆ.

وبلىستىق تجد ءباسپاسوز قىزمەتىنىڭ حابارلاۋىنشا، حابارلاما ساعات 13:28-دە ءتۇستى. ساعات 16:26-دا ءورت اۋماعى وقشاۋلاندى. ءورت اۋماعى – 5 گەكتار. زارداپ شەككەن ادام جوق.

- باۋ-باقشا ۇجىمىنىڭ كۇزەتشىسى ورتاق چاتقا لەسنوە تۇرعىن الابى جاعىنان ءورت شىققانى تۋرالى حابارلادى. الدىمەن ادامدار وزدەرى ءسوندىرىپ جاتتى. كەيىن ءورت سوندىرۋشىلەر كەلدى. ءورت تۇستە باستالدى، - دەدى ساياجاي تۇرعىنى لەنا كراۆەتس.

وبلىستىق پد ءباسپاسوز قىزمەتىنىڭ حابارلاۋىنشا، وقيعا ورنىنا 30 پوليتسيا قىزمەتكەرى جىبەرىلگەن. ولار دا قاۋىپسىزدىكتى قامتاماسىز ەتۋگە كومەكتەسىپ جاتىر.