Aqtöbe qalasynyŋ Sazdy özenı maŋynda bastalǧan ört bau-baqşa ūjymynyŋ tūrǧyndaryn äbıgerge saldy. Qazır mūnda ört söndıruşıler men jergılıktı atqaruşy organnyŋ mamandary, polisiia jür.

- Aqtöbe qalasy Astana audany Sazdy özenı boiyndaǧy Lesnoe maŋynda qamys janyp jatqany turaly aqparat kelıp tüstı. Oqiǧa ornyna TJD garnizonynan 37 adam, 10 tehnika jūmyldyryldy. Jergılıktı atqaruşy organdardan 10 tehnika men 7 adam bar. Qazırgı kezde ört söndıru jūmysy jalǧasyp jatyr, - dedı oblystyq TJD bastyǧynyŋ orynbasary Aibat Jaŋabergenov.

Oblystyq TJD baspasöz qyzmetınıŋ habarlauynşa, habarlama saǧat 13:28-de tüstı. Saǧat 16:26-da ört aumaǧy oqşaulandy. Ört aumaǧy – 5 gektar. Zardap şekken adam joq.

- Bau-baqşa ūjymynyŋ küzetşısı ortaq chatqa Lesnoe tūrǧyn alaby jaǧynan ört şyqqany turaly habarlady. Aldymen adamdar özderı söndırıp jatty. Keiın ört söndıruşıler keldı. Ört tüste bastaldy, - dedı saiajai tūrǧyny Lena Kraves.

Oblystyq PD baspasöz qyzmetınıŋ habarlauynşa, oqiǧa ornyna 30 polisiia qyzmetkerı jıberılgen. Olar da qauıpsızdıktı qamtamasyz etuge kömektesıp jatyr.