جوبا رەكرەاتسيالىق قىزمەتتەردىڭ تولىق سپەكترى بار زاماناۋي ەكو-كۋرورتتىڭ قۇرىلىسىن كوزدەيدى. تۇجىرىمداما قوناق مودۋلدىك ۇيلەردى گلامپينگ فورماتىندا ورنالاستىرۋدى، باسسەيندەرى بار زاماناۋي ساۋىقتىرۋ ورتالىعىن، مەيرامحانالاردى، سونداي-اق جايلى دەمالىس ءۇشىن اباتتاندىرۋدى قامتيدى.

جوبانىڭ ەرەكشەلىگى وبەكتىلەردى سالۋ كەزەڭىندە دە، ولاردى ودان ءارى پايدالانۋ كەزىندە دە كومىرتەگى ءىزىن ەداۋىر ازايتۋعا كومەكتەسەتىن تۇراقتى تەحنولوگيالاردى قولدانا وتىرىپ قۇرىلىسقا ەكولوگيالىق كوزقاراس بولادى.

بۇل ازىرلەۋشىنىڭ ەكىنشى جوباسى، Nomads Eco Resort دەپ اتالاتىن ۇقساس تۇجىرىمداماسى بار جوبا الماتى وبلىسىنىڭ تالعار اۋدانىندا سالىنىپ جاتىر. ەكى جوبانى قۇرۋ كەزىندە Zrobim Architects ساۋلەت بيۋروسىنىڭ اتىنان شەتەلدىك ساۋلەتشىلەر تارتىلدى.

«ماڭعىستاۋ وبلىسىنىڭ بىرەگەي تابيعي رەسۋرستارى مەن باي تۋريستىك الەۋەتى بار جانە ءبىز جوبانى ىسكە اسىرۋ وتاندىق قانا ەمەس، شەتەلدىك تۋريستەردى دە تارتۋعا قوسىمشا سەرپىن بەرەدى دەپ سانايمىز»، - دەپ اتاپ ءوتتى «كاسپي» اكك» اق باسقارما توراعاسى ابىلاي مولداعۇلوۆ.

«Pine Hills Group» كومپانياسىنىڭ نەگىزىن قالاۋشى جانە دامۋ جونىندەگى ديرەكتورى ارمان ءالجانوۆتىڭ ايتۋىنشا، ۋاقىتشا تۇرۋدىڭ بازالىق قىزمەتتەرى مەن مەيرامحانا سەرۆيسىنەن باسقا، قىزمەتتەردىڭ بارلىق تۇرلەرىمەن زاماناۋي Wellness ورتالىعىن ىسكە قوسۋ جوسپارلانۋدا:

«ءبىز بولاشاق قوناقتارىمىز ءۇشىن اسەرلى قوناق تاجىريبەسىن قالىپتاستىرۋعا - قوناقتارىمىز قايتادان ورالعىسى كەلىپ، ساپالى قىزمەت پەن جاعىمدى ەموتسيالار الۋى ءۇشىن جاعداي جاساۋعا تىرىسامىز»، - دەپ قوستى جوبا باستاماشىسى.

"جىلى جاعاجاي" اۋماعىندا جوبانى ىسكە اسىرۋ قوسىمشا تۋريستىك اعىمدى تارتۋدى كوزدەيدى جانە ماڭعىستاۋ وبلىسىنىڭ ۆيزيت كارتوچكالارىنىڭ بىرىنە اينالۋى مۇمكىن.