وڭىردە تىركەلگەن فاكتىلەر بۇل شارانىڭ وزەكتىلىگىن راستايدى. وسى جىلدىڭ 12 تامىزىندا كوكشەتاۋ قالاسىنىڭ پوليتسيا باسقارماسىنا جەرگىلىكتى تۇرعىننان 1995 جىلى تۋعان جۇبايىن ىزدەۋگە كومەك سۇراعان ءوتىنىش كەلىپ ءتۇستى، ول تۇستەن كەيىن جۇمىس ورنىنان كەتىپ، بايلانىسقا شىعۋدى توقتاتتى. كريمينالدىق پوليتسيا قىزمەتكەرلەرى ىزدەستىرۋ ءىس-شارالارىنىڭ ناتيجەسىندە ونىڭ بۋراباي كەنتىندە ورنالاسقان جەرىن 13 تامىزدا تۇنگى ساعات 03:00-دە انىقتادى. سونداي-اق 8 تامىزدا 49 جاستاعى ۇلىنىڭ جوعالىپ كەتۋىنە الاڭداعان كوكشەتاۋ تۇرعىنى پوليتسياعا جۇگىندى. ول استانا قالاسىندا تابىلدى. سونىمەن قاتار تامىز ايىنىڭ باسىندا كراسنىي يار اۋىلىنىڭ تۇرعىنى پوليتسەيلەرگە ۇلىنىڭ تاڭەرتەڭ ەرتە ۆەلوسيپەدپەن سەرۋەندەۋگە كەتكەنىن، بىراق كەيىن ۇيىنە ورالماعانىن حابارلادى. ەر ادام بۇلاندى اۋدانىنىڭ اۋماعىندا ىزدەستىرۋ ءىس-شارالارى بارىسىندا انىقتالدى. بارلىق جاعدايلاردا بەلگىلەنگەن ازاماتتاردىڭ ءومىرى مەن دەنساۋلىعىنا قاۋىپ-قاتەر انىقتالعان جوق. پوليتسيا ەسكە سالادى: جاقىندارىڭىزعا جوسپارلار تۋرالى حابارلاۋ ولاردىڭ تىنىشتىعىن ساقتاۋعا جانە قاجەتسىز الاڭداۋشىلىقتى بولدىرماۋعا كومەكتەسەدى. بايلانىستا بولۋ تەك قامقورلىقتىڭ كورىنىسى عانا ەمەس، سونىمەن قاتار جەكە قاۋىپسىزدىكتىڭ ەلەمەنتى بولىپ تابىلادى.
Polisia.kz
