قما قىزىلوردا وبلىسى بويىنشا دەپارتامەنتى پروكۋراتۋرانىڭ ۇيلەستىرۋىمەن جانە ۇقك دەپارتامەنتىمەن بىرلەسىپ، شيەلى اۋدانىندا باعالى مەتالداردى زاڭسىز وندىرۋمەن اينالىسقان قىلمىستىق توپتىڭ ارەكەتىن توقتاتتى.

تەرگەۋ دەرەگىنشە، جامانكول شاتقالىندا كۇردەلى وندىرىستىك وڭدەۋدى قاجەت ەتپەيتىن تابيعي التىن وندىرىلگەن.

توپ مۇشەلەرىنىڭ مىندەتتەرى ءوزارا ناقتى بولىنگەن: بىرەۋلەرى التىن ىزدەۋشىلەردى تارتىپ، ءوندىرۋ جۇمىسىن ۇيىمداستىرسا، ەندى بىرەۋلەرى تاسىمالداۋ مەن ساتۋعا جاۋاپتى بولعان. تاعى ءبىر بولىگى قاۋىپسىزدىكتى قامتاماسىز ەتكەن.

زاڭسىز ارەكەتتى جاسىرۋ ءۇشىن اۋماقتىڭ اينالاسىنا باقىلاۋشىلار قويىلىپ، موتوتسيكل مىنگەن ادامدار ماڭايدى تورۋىلداعان. ولار بوگدە ادامداردىڭ نەمەسە مەملەكەتتىك ورگاندار قىزمەتكەرلەرىنىڭ كەلگەنىن الدىن الا ەسكەرتىپ وتىرعان.

تەرگەۋ امالدارىنا ساي، وندىرىلگەن التىن ساتۋ ءۇشىن الماتى قالاسىنا جەتكىزىلىپ، ودان تۇسكەن اقشا توپ مۇشەلەرىنىڭ اراسىندا بولىنگەن.

ءتىنتۋ بارىسىندا قۇرامىندا التىنى بار 500 گرامنان استام شيكىزات، 2 ارنايى تەحنيكا، 12 مەتالل ىزدەگىش جانە 6 اۆتوكولىك تاركىلەندى.

سونداي-اق 2 پنەۆماتيكالىق تاپانشا مەن تەگىس ۇڭعىلى مىلتىق تابىلدى.

قازىر 13 ادام قاماۋعا الىندى.

تەرگەۋ جالعاسىپ جاتىر.

قر قپك-ءنىڭ 201-بابىنا سايكەس وزگە اقپارات جاريا ەتىلمەيدى.

قر قما ءباسپاسوز قىزمەتى