QMA Qyzylorda oblysy boiynşa departamentı prokuraturanyŋ üilestıruımen jäne ŪQK departamentımen bırlesıp, Şielı audanynda baǧaly metaldardy zaŋsyz öndırumen ainalysqan qylmystyq toptyŋ äreketın toqtatty.
Tergeu deregınşe, Jamanköl şatqalynda kürdelı öndırıstık öŋdeudı qajet etpeitın tabiǧi altyn öndırılgen.
Top müşelerınıŋ mındetterı özara naqty bölıngen: bıreulerı altyn ızdeuşılerdı tartyp, öndıru jūmysyn ūiymdastyrsa, endı bıreulerı tasymaldau men satuǧa jauapty bolǧan. Taǧy bır bölıgı qauıpsızdıktı qamtamasyz etken.
Zaŋsyz ärekettı jasyru üşın aumaqtyŋ ainalasyna baqylauşylar qoiylyp, motosikl mıngen adamdar maŋaidy toruyldaǧan. Olar bögde adamdardyŋ nemese memlekettık organdar qyzmetkerlerınıŋ kelgenın aldyn ala eskertıp otyrǧan.
Tergeu amaldaryna sai, öndırılgen altyn satu üşın Almaty qalasyna jetkızılıp, odan tüsken aqşa top müşelerınıŋ arasynda bölıngen.
Tıntu barysynda qūramynda altyny bar 500 gramnan astam şikızat, 2 arnaiy tehnika, 12 metall ızdegış jäne 6 avtokölık tärkılendı.
Sondai-aq 2 pnevmatikalyq tapanşa men tegıs ūŋǧyly myltyq tabyldy.
Qazır 13 adam qamauǧa alyndy.
Tergeu jalǧasyp jatyr.
QR QPK-nıŋ 201-babyna säikes özge aqparat jariia etılmeidı.
QR QMA Baspasöz qyzmetı
