Memleket basşysy Alaş qairatkerlerınıŋ mūralaryn qaita qarap, aqtaŋdaqtar aqiǧat aşudy tarihy-ǧalymdarǧa tapsyrǧan bolatyn. Bügınde ziialy qauym ökılderı Alaş qairatkerı Temırbek Jürgenovtıŋ 125 jyldyǧy aiasynda Qazaqstan jäne Türkı elderı ışınde ruhani yntymaqtastyq pen bauyrlyq bailanysty nyǧaitu maqsatynda ırgelı şaralardy bastap kettı. Mereitoilyq şaralar bas qosu, konferensiia kölemınde ǧana emes, memleket jäne qoǧam qairatkerınıŋ saiasi eŋbekterın qaita basyp, tasada qalǧan şyǧarmalaryn ǧylymi ainalymǧa engızu syndy auqymdy jūmystarmen erekşelınıp otyr. Tau tūlǧanyŋ şyǧarmaşylyǧyn zerttep, zerdelep jürgen Alaştanuşy – ǧalym Bauyrjan İmanǧalievtıŋ aituynşa, Temırbek Jürgenovtıŋ 125 jyldyǧy aiasynda būryn-soŋdy eş jerde jariialanbaǧan eŋbekterı men saiasi közqarastary jinaqtalǧan şyǧarmalaryn toptastyru ısı jüielı jasalyp jatyr. Osy tūrǧyda bırneşe kıtap, ǧylymi eŋbekter jaryq kördı. Türksoi ūiymynyŋ qoldauymen jyl soŋyna deiın älı de talai eŋbekter jariialanady dep josparlanyp otyr.