بۇرعىلاۋ جۇمىستارىن باستاۋ راسىمىنە «قازمۇنايگاز» ۇك اق باسقارما توراعاسى اسحات حاسەنوۆ جانە «تاتنەفت» جاق باس ديرەكتورى نايل ماگانوۆ، سونداي-اق قمگ باسقارما توراعاسىنىڭ ءبىرىنشى ورىنباسارى قۇرمانعازى ەسقازيەۆ قاتىستى. قاراتون پودسولەۆوي ۋچاسكەسىندە العاشقى ىزدەۋ ۇڭعىماسىن بۇرعىلاۋدى باستاۋ - قازاقستاننىڭ رەسۋرستىق بازاسىن نىعايتۋعا جاسالعان ماڭىزدى قادام. بۇل جوبا ءبىزدىڭ قور كولەمىن ۇلعايتۋ جانە جەر قويناۋىنىڭ كۇردەلى ۋچاسكەلەرىن يگەرۋگە باعىتتالعان ستراتەگيالىق مىندەتتەرىمىزگە ساي كەلەدى. تاتنەفت كومپانياسىمەن بىرلەسكەن كۇش-جىگەرىمىز ناتيجەلى بولىپ، ەلىمىزدىڭ مۇناي-گاز سالاسىنداعى الەۋەتىن ارتتىرۋعا ۇلەس قوساتىنىنا سەنىمدىمىز، -دەپ اتاپ ءوتتى ا.حاسەنوۆ. "ء بىز قازاقستاندىق ارىپتەستەرمەن ءتۇرلى باعىتتا ءوزارا بايلانىس ورناتتىق. بۇگىنگى ءىس-شارا — سول سەرىكتەستىگىمىزدىڭ تابىستى جالعاسىنىڭ جارقىن كورىنىسى. قاراتون پودسولەۆوي ۋچاسكەسىنىڭ الەۋەتى زور، بۇل قازاقستان ۇكىمەتىنىڭ قولداۋىنىڭ ارقاسىندا جاڭا تابىستى ورتاق جوبالاردىڭ نەگىزىنە اينالا الادى، — دەپ اتاپ ءوتتى «تاتنەفت» جاق باس ديرەكتورى نايل ماگانوۆ.
«قاراتون پودسولەۆوي» جوباسى ەلىمىزدەگى كۇردەلى كەن ورىندارىنىڭ ينۆەستيتسيالىق تارتىمدىلىعىن ەداۋىر ارتتىرعان جاقسارتىلعان مودەلدىك كەلىسىمشارت شەڭبەرىندە ىسكە اسىرىلۋدا. بۇل مەحانيزم جەر قويناۋىنىڭ كۇردەلى ۋچاسكەلەرىن بارلاۋ جانە يگەرۋ ءۇشىن جاعداي جاساي وتىرىپ، ماڭىزدى رەتتەۋشى جانە فيسكالدى پرەفەرەنتسيالاردى ۇسىنادى.
جەر قويناۋىندا تەرەڭ ورنالاسقان كومىرسۋتەكتەردى ىزدەۋ تەحنيكالىق تۇرعىدان ۇلكەن قيىندىقتارمەن قاتار جۇرەدى، وعان بەرىلگەن تەرەڭدىك، ىقتيمال جوعارى قابات قىسىمى، كۇكىرتتى سۋتەكتىڭ بولۋى جانە قالىڭ تۇز شوگىندىلەرىن جاتقىزۋعا بولادى.
قاراتون پودسولەۆوي ۋچاسكەسى تەڭىز ءىرى كەن ورنى مەن «ەمبىمۇنايگاز» كومپانياسىنىڭ كەن ورىندارىنا جاقىن ورنالاسقان.
