قورقىت اتا اتىنداعى قىزىلوردا ۋنيۆەرسيتەتىندە ادام قۇقىقتارى جونىندەگى ۋاكىل ارتۋر لاستاەۆتىڭ كونستيتۋتسيالىق رەفورمالار اياسىنداعى ادام قۇقىقتارى مەن بوستاندىقتارىن قورعاۋ ماسەلەلەرىنە ارنالعان ءدارىسى ءوتتى.
ء سوز سويلەۋ بارىسىندا ومبۋدسمەن ستۋدەنتتەرگە ادام قۇقىقتارى سالاسىنداعى نەگىزگى حالىقارالىق ستاندارتتار، ومبۋدسمەن ينستيتۋتىنىڭ قىزمەتى، سونداي-اق ازاپتاۋلار مەن قاتىگەز قارىم-قاتىناستىڭ الدىن الۋ جونىندەگى ۇلتتىق الدىن الۋ تەتىگىنىڭ ءرولى تۋرالى ايتىپ بەردى.
قازاقستان رەسپۋبليكاسىنىڭ جاڭا كونستيتۋتسياسىنداعى ادام قۇقىقتارىن قورعاۋعا قاتىستى ەرەجەلەرگە ەرەكشە نازار اۋدارىلدى. ارتۋر لاستاەۆ اتا زاڭدا ادام قۇقىقتارى مەن بوستاندىقتارىنىڭ مەملەكەتتىڭ ەڭ جوعارى قۇندىلىعى رەتىندە بەكىتىلگەنىن، سونداي-اق سوت ارقىلى قورعالۋ، جەكە باسىنا قول سۇعىلماۋشىلىق كەپىلدىكتەرى مەن ازاپتاۋعا تىيىم سالۋ نورمالارىنىڭ كۇشەيتىلگەنىن اتاپ ءوتتى.
ءىس-شارا سوڭىندا اشىق پىكىرتالاس ءوتىپ، ونىڭ اياسىندا ستۋدەنتتەر وزدەرىن قىزىقتىرعان سۇراقتارىن قويىپ، ادام قۇقىقتارىن قورعاۋدىڭ وزەكتى ماسەلەلەرىن تالقىلادى.
