سەمەي قالاسىنىڭ پوليتسيا قىزمەتكەرلەرى ازاماتتاردى ء"تيىمدى ينۆەستيتسيا" جانە جىلدام تابىس ۋادەسىمەن الداپ، ولاردىڭ اقشالاي قاراجاتىن يەمدەنگەن 24 جاستاعى جەرگىلىكتى تۇرعىندى اشكەرەلەدى. سوتقا دەيىنگى تەرگەپ-تەكسەرۋ بارىسىندا انىقتالعانداي، 2025 جىلدىڭ قىركۇيەك-قاراشا ايلارى ارالىعىندا كۇدىكتى ءوزىن سەنىمدى تۇلعا رەتىندە تانىستىرىپ، تۇرعىنداردىڭ سەنىمىنە كىرگەن. ول جوعارى تابىسقا كەپىلدىك بەرەتىن ءتيىمدى ينۆەستيتسيالىق ۇسىنىستار بار ەكەنىن ايتىپ، ازاماتتاردى قارجى سالۋعا ۇگىتتەگەن. وسىلايشا جابىرلەنۋشىلەردىڭ سەنىمىن تەرىس پايدالانىپ، الداۋ جولىمەن ولاردىڭ قاراجاتىن يەمدەنگەن. تەرگەۋ بارىسىندا كۇدىكتىنىڭ زاڭسىز ارەكەتتەرىنەن سەمەي قالاسىنىڭ ءۇش تۇرعىنى زارداپ شەككەنى بەلگىلى بولدى. اتاپ ايتقاندا 20 جاستاعى ازامات قاراجاتىن كوبەيتۋگە سەنىپ، 715 مىڭ تەڭگەسىنەن ايىرىلعان. تاعى ءبىر 21 جاستاعى جابىرلەنۋشى پايدا تابامىن دەگەن ۇمىتپەن كۇدىكتىگە 2 617 مىڭ تەڭگە بەرگەن. سونىمەن قاتار 63 جاستاعى قالا تۇرعىنى دا الاياقتىقتىڭ قۇربانى بولىپ، 220 مىڭ تەڭگەسىنەن ايىرىلعان. تەرگەۋ بارىسىندا كۇدىكتى ءوز كىناسىن تولىق مويىندادى. انىقتالعانداي، ول ازاماتتاردان الىنعان اقشالاي قاراجاتتى جەكە ماقساتتارىنا جۇمساعان. وسىعان بايلانىستى قاراجات تاركىلەنبەگەن. اتالعان فاكتى بويىنشا قىلمىستىق ءىس الاياقتىق بابى بويىنشا سارالاندى. كۇدىكتىگە قاتىستى كەلۋ مىندەتتەمەسى تۇرىندەگى پروتسەسسۋالدىق ماجبۇرلەۋ شاراسى قولدانىلدى. پوليتسيا ازاماتتاردى كۇماندى ينۆەستيتسيالىق ۇسىنىستارعا ساقتىقپەن قاراۋعا شاقىرادى. اسىرەسە، جىلدام ءارى وڭاي تابىسقا كەپىلدىك بەرەتىن ۇسىنىستارعا سەنبەي، قاراجات سالماس بۇرىن ولاردىڭ زاڭدىلىعى مەن سەنىمدىلىگىن مۇقيات تەكسەرۋ قاجەت ەكەنىن ەسكەرتەدى.

اقپارات كوزى Polisia.kz سايتىندا: https://polisia.kz/abaj-oblysynda-investitsiya-atyn-zhamylghan-alayaqtyq-ashkerelendi/