Semei qalasynyŋ polisiia qyzmetkerlerı azamattardy "tiımdı investisiia" jäne jyldam tabys uädesımen aldap, olardyŋ aqşalai qarajatyn iemdengen 24 jastaǧy jergılıktı tūrǧyndy äşkereledı. Sotqa deiıngı tergep-tekseru barysynda anyqtalǧandai, 2025 jyldyŋ qyrküiek-qaraşa ailary aralyǧynda küdıktı özın senımdı tūlǧa retınde tanystyryp, tūrǧyndardyŋ senımıne kırgen. Ol joǧary tabysqa kepıldık beretın tiımdı investisiialyq ūsynystar bar ekenın aityp, azamattardy qarjy saluǧa ügıttegen. Osylaişa jäbırlenuşılerdıŋ senımın terıs paidalanyp, aldau jolymen olardyŋ qarajatyn iemdengen. Tergeu barysynda küdıktınıŋ zaŋsyz äreketterınen Semei qalasynyŋ üş tūrǧyny zardap şekkenı belgılı boldy. Atap aitqanda 20 jastaǧy azamat qarajatyn köbeituge senıp, 715 myŋ teŋgesınen aiyrylǧan. Taǧy bır 21 jastaǧy jäbırlenuşı paida tabamyn degen ümıtpen küdıktıge 2 617 myŋ teŋge bergen. Sonymen qatar 63 jastaǧy qala tūrǧyny da alaiaqtyqtyŋ qūrbany bolyp, 220 myŋ teŋgesınen aiyrylǧan. Tergeu barysynda küdıktı öz kınäsın tolyq moiyndady. Anyqtalǧandai, ol azamattardan alynǧan aqşalai qarajatty jeke maqsattaryna jūmsaǧan. Osyǧan bailanysty qarajat tärkılenbegen. Atalǧan faktı boiynşa qylmystyq ıs alaiaqtyq baby boiynşa saralandy. Küdıktıge qatysty kelu mındettemesı türındegı prosessualdyq mäjbürleu şarasy qoldanyldy. Polisiia azamattardy kümändı investisiialyq ūsynystarǧa saqtyqpen qarauǧa şaqyrady. Äsırese, jyldam ärı oŋai tabysqa kepıldık beretın ūsynystarǧa senbei, qarajat salmas būryn olardyŋ zaŋdylyǧy men senımdılıgın mūqiiat tekseru qajet ekenın eskertedı.

Aqparat közı Polisia.kz saitynda: https://polisia.kz/abaj-oblysynda-investitsiya-atyn-zhamylghan-alayaqtyq-ashkerelendi/