مەملەكەت باسشىسى قاسىم- جومارت توقاەۆ  مادەنيەت جانە اقپارات ءمينيسترى ايدا بالاەۆانى قابىلدادى، دەپ حابارلايدى Ras.kz اقپاراتتىق پورتالى Aقورداعا سىلتەمە جاساي وتىرىپ. 

 مينيستر پرەزيدەنتكە مينيسترلىكتىڭ قازىرگى قىزمەتى مەن الدا اتقاراتىن جۇمىستارىنىڭ پەرسپەكتيۆالارى تۋرالى باياندادى دەلىنگەن، جازبادا. 

پرەزيدەنتكە مينيسترلىكتى قايتا قۇرۋ ناتيجەلەرى، سونداي-اق مادەنيەت، اقپارات، ءدىن، ەتنوسارالىق قاتىناستار، ازاماتتىق قوعام، وتباسى جانە جاستار ساياساتى سالالارىن دامىتۋعا باعىتتالعان جاڭا جوبالار جايىندا مالىمەت بەرىلدى.

ايدا بالاەۆا كرەاتيۆتى يندۋستريانى دامىتۋعا، كينو جانە كىتاپ سالالارىن جەتىلدىرۋگە، سونىمەن قاتار بىرقاتار زاڭ جوباسىن ازىرلەۋگە قاتىستى جۇمىس جوسپارىن تانىستىردى.

كەزدەسۋ سوڭىندا قاسىم-جومارت توقاەۆ مينيسترلىككە اتالعان باعىتتاردى ودان ءارى ىلگەرىلەتۋ جونىندە بىرقاتار ناقتى مىندەت جۇكتەدى.

ا.بالاەۆا ىشكى ساياسات پەن مەملەكەتتىك يدەولوگيادا ىسىلعان مامانداردىڭ ءبىرى. الايدا، جاڭا مينيسترلىكتىڭ جۇمىسىن ءتيىمدى ۇيلەستىرۋگە قانشالىقتى ۇلەس قوساتىنى ۋاقىتتىڭ ەنشىسىندە. 

فوتو ينتەرنەت جەلىسىنەن الىندى