«الاكول» كولىنىڭ جاعالاۋى «Kids go Free» باعدارلاماسىنىڭ ەڭ سۇرانىسقا يە باعىتى رەتىندە قالىپ وتىر. وتكەن جىلمەن سالىستىرعاندا بيىل ساتىلعان تۋرلاردىڭ سانى 20%-عا ارتتى. 700-دەن استام بالا الاكولگە تەگىن ساياحات جاساۋ مۇمكىندىگىنە يە بولدى. الماتى مەن الماتى وبلىسىنىڭ ماڭىنداعى ايماقتارعا دەگەن قىزىعۋشىلىق وتكەن جىلمەن سالىستىرعاندا 24%-عا ارتتى. 330-دان استام وتباسى وسى باعىتتى تاڭداعان. بالالار اۋە بيلەتتەرىنىڭ قۇنىن وتەۋگە جۇمسالعان قارجى 41,6 ميلليون تەڭگەنى قۇراسا، بۇل باعىتتاعى تۋرلار جالپى 135,3 ميلليون تەڭگەگە ساتىلدى. شورتاندى-بۋراباي كۋرورتتىق ايماعى مەن استانا قالاسى – «Kids go Free» باعدارلاماسىنىڭ ءۇشىنشى تانىمال باعىتى. وعان جازعى ايلار مەن قىسقى كانيكۋل كەزىندە سۇرانىس وتە جوعارى.
«Kazakh Tourism» 2022 جىلدان بەرى «Kids go Free» باعدارلاماسىن جۇزەگە اسىرادى. ونىڭ نەگىزگى ماقساتى – ەلىمىزدە ۇيىمداستىرىلعان ءتۋريزمدى دامىتۋ. جىل سايىن اتا-انالاردىڭ بالالارىمەن بىرگە قازاقستان بويىنشا ساياحاتتاۋ كورسەتكىشى ارتىپ كەلەدى. 3 جىل ىشىندە قازاقستاندىق وتباسىلار 280 ميلليون تەڭگە ۇنەمدەدى. ال وتاندىق تۋروپەراتورلار وسى ۋاقىتتا 1,2 ميلليارد تەڭگەگە تۋرلار وتكىزدى. بالالاردىڭ اۋە تاسىمالىنا سۋبسيديا تۇرىندە مەملەكەت تاراپىنان سالىنعان قارجى اتا-انالاردى تۋعان جەرلەرىندەگى دەمالىسقا ىنتالاندىرادى. مەملەكەت تاراپىنان سالىنعان ءاربىر تەڭگە ەلىمىزدىڭ ەكونوميكاسىنا قوسىمشا 4 تەڭگە پايدا اكەلەدى دەپ ايتۋعا بولادى», – دەپ اتاپ ءوتتى Kazakh Tourism باسشىسى قايرات سادۋاقاسوۆ.
بيىل «Kids go Free» باعدارلاماسى بويىنشا 2172 بالاعا قازاقستاندى ساياحاتتاۋ ءۇشىن تەگىن اۋە بيلەتتەرى ۇسىنىلدى. تۋروپەراتورلار بالالاردىڭ اۋە بيلەتتەرى قۇنىن ەسەپتەمەگەندە، 415,6 ميلليون تەڭگەگە تۋرلار وتكىزدى. مەملەكەت تاراپىنان 114,5 ميلليون تەڭگە وتەلدى، بۇل جالپى ساتىلعان تۋرلاردىڭ 28%-ىن قۇرايدى.
«بيىل ءبىز العاش رەت «Kids go Free» باعدارلاماسى بويىنشا تۋرلاردى قالىپتاستىردىق. 100 بالا ءبىزدىڭ تۋريستىك پاكەتتى پايدالانىپ، تەگىن بالالار اۋە بيلەتتەرىن الدى. بۇل باعدارلاما كوپبالالى قازاقستاندىق وتباسىلارعا ۇلكەن كومەك كورسەتەدى جانە قازاقستاندىق وتەلدەر، ساناتوريلەر، دەمالىس ايماقتارى ءتارىزدى ورنالاستىرۋ ورىندارىنىڭ جۇكتەمەسىن ارتتىرۋعا مۇمكىندىك بەرەدى», – دەپ اتاپ ءوتتى «Ozen Touristik» جشس باسشىسى زارينا ورداباەۆا.
