قما اقتوبە وبلىسى بويىنشا دەپارتامەنتى پروكۋراتۋرانىڭ ۇيلەستىرۋىمەن تسيفرلىق اكتيۆتەر اينالىمى سالاسىندا زاڭسىز كاسىپكەرلىك قىزمەتتى جۇزەگە اسىرعان، سونداي-اق قىلمىستىق كىرىستەردى زاڭداستىرعان ۇيىمداسقان قىلمىستىق توپتى قۇرۋ جانە وعان باسشىلىق ەتۋ فاكتىسى بويىنشا تەرگەۋ جۇرگىزۋدە.

ۇيىمداستىرۋشى مىندەتتى تىركەۋسىز جانە ليتسەنزياسىز قامتاماسىز ەتىلمەگەن تسيفرلىق اكتيۆتەرمەن وپەراتسيالاردان تابىس تابۋ سحەماسىن ۇيىمداستىرعان.

سحەمانى ىسكە اسىرۋ ءۇشىن رولدەرى ناقتى بولىنگەن، يەرارحياسى بار تۇراقتى توپ قۇرىلعان. قاتىسۋشىلار دروپپەرلەردى ىزدەۋمەن، ولاردىڭ اتىنا بانك كارتالارى مەن كريپتوۆاليۋتا بيرجالارىندا اككاۋنتتار راسىمدەۋمەن، قارجىلىق وپەراتسيالار جۇرگىزۋمەن جانە كەيىن قاراجاتتى قولما-قول اقشاعا اينالدىرۋمەن اينالىسقان.

150-دەن استام دروپپەردىڭ بانك كارتالارىنا تۇسكەن قاراجات ATAIX بيرجاسىنداعى كريپتوامياندارىنا اۋدارىلعان. قاراجاتتىڭ زاڭدى كورىنىسىن جاساۋ ءۇشىن دروپپەرلەر مەن بايلانىسى بار جشس اراسىندا جالعان قارىز شارتتارى راسىمدەلىپ، كەيىن قاراجات كريپتوۆاليۋتاعا ايىرباستالىپ، OKX بيرجاسىنداعى كريپتوامياندارعا جىبەرىلگەن.

قاراجاتتى ايىرباستاۋ جانە شىعارۋ ءۇشىن باقىلاۋداعى ايىرباستاۋ پۋنكتى پايدالانىلىپ، قاراجات شەتەل ۆاليۋتاسىنا كونۆەرتاتسيالانعان.

ناتيجەسىندە تسيفرلىق اكتيۆتەردى وتكىزۋ بويىنشا وپەراتسيالار سوماسى 3,5 ملرد تەڭگەدەن استى.

ءتىنتۋ بارىسىندا 46 ۇيالى تەلەفون، 92 بانك كارتاسى، سونداي-اق 25 463 USDT كولەمىندەگى كريپتواكتيۆتەر تاركىلەندى.

بەس كۇدىكتى قاماۋعا الىندى.

تەرگەۋ جالعاسۋدا. قازاقستان رەسپۋبليكاسىنىڭ قىلمىستىق-پروتسەستىك كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى.

قر قما ءباسپاسوز قىزمەتى