QMA Aqtöbe oblysy boiynşa departamentı prokuraturanyŋ üilestıruımen sifrlyq aktivter ainalymy salasynda zaŋsyz käsıpkerlık qyzmettı jüzege asyrǧan, sondai-aq qylmystyq kırısterdı zaŋdastyrǧan ūiymdasqan qylmystyq topty qūru jäne oǧan basşylyq etu faktısı boiynşa tergeu jürgızude.
Ūiymdastyruşy mındettı tırkeusız jäne lisenziiasyz qamtamasyz etılmegen sifrlyq aktivtermen operasiialardan tabys tabu shemasyn ūiymdastyrǧan.
Shemany ıske asyru üşın rölderı naqty bölıngen, ierarhiiasy bar tūraqty top qūrylǧan. Qatysuşylar dropperlerdı ızdeumen, olardyŋ atyna bank kartalary men kriptovaliuta birjalarynda akkaunttar räsımdeumen, qarjylyq operasiialar jürgızumen jäne keiın qarajatty qolma-qol aqşaǧa ainaldyrumen ainalysqan.
150-den astam dropperdıŋ bank kartalaryna tüsken qarajat ATAIX birjasyndaǧy kriptoämiiandaryna audarylǧan. Qarajattyŋ zaŋdy körınısın jasau üşın dropperler men bailanysy bar JŞS arasynda jalǧan qaryz şarttary räsımdelıp, keiın qarajat kriptovaliutaǧa aiyrbastalyp, OKX birjasyndaǧy kriptoämiiandarǧa jıberılgen.
Qarajatty aiyrbastau jäne şyǧaru üşın baqylaudaǧy aiyrbastau punktı paidalanylyp, qarajat şetel valiutasyna konvertasiialanǧan.
Nätijesınde sifrlyq aktivterdı ötkızu boiynşa operasiialar somasy 3,5 mlrd teŋgeden asty.
Tıntu barysynda 46 ūialy telefon, 92 bank kartasy, sondai-aq 25 463 USDT kölemındegı kriptoaktivter tärkılendı.
Bes küdıktı qamauǧa alyndy.
Tergeu jalǧasuda. Qazaqstan Respublikasynyŋ Qylmystyq-prosestık kodeksınıŋ 201-babyna säikes özge aqparat jariia etuge jatpaidy.
QR QMA Baspasöz qyzmetı
