Halyqaralyq järmeŋkege 30 elden 300-den astam salalyq ökıl qatysuda. Qazaqstandyq stendtı Visit Astana jäne Almaty oblysynyŋ Turizm basqarmasy ūiymdastyrdy. Qazaqstannyŋ turistık äleuetın 16 ökıl tanystyruda. Olardyŋ qatarynda 7 turoperator, 3 qonaqüi jäne Air Astana äue kompaniiasy bar.  Özbekstan Qazaqstanǧa ıskerlık jäne medisinalyq baǧytyndaǧy turisterdı tartuǧa arnalǧan maqsatty naryq retınde maŋyzdy röl atqarady. Būǧan elımızdegı logistikanyŋ yŋǧailylyǧy, geografiialyq jäne mädeni jaqyndyq äser etedı.

2024 jyly Qazaqstan,  Özbekstan jäne Qyrǧyzstan öŋırdıŋ mädeni jäne tarihi mūrasyn ılgerıletu boiynşa bırlesken jūmystardy küşeitude. Negızgı bastamalar qatarynda jaŋa turistık marşruttar qūru, mädeni mūrany därıpteu, saiahatşylarǧa qyzmet körsetu sapasyn jaqsartuǧa baǧyttalǧan infraqūrylymdy damytu bar.

Atap ötken jön, Özbekstan – Qazaqstannyŋ Ūly Jıbek joly boiyndaǧy turlardy damytu boiynşa negızgı serıktesı. Jaqynda ekı el arasynda jaŋa turistık poiyz ıske qosyldy. Būl marşrut Jıbek jolynyŋ negızgı nüktelerın qamtidy jäne turizmdı damytu üşın bıryŋǧai strategiia qūruǧa yqpal etedı. 2024 jyldan bastap Qazaqstan men Özbekstan arasyndaǧy reister sany 2023 jylmen salystyrǧanda aitarlyqtai artty. Qazırgı uaqytta ekı el arasynda aptasyna 37 reis oryndaluda.