سولتۇستىك قازاقستان وبلىسىندا ليتسەنزياسىز زاڭسىز كاسىپكەرلىك جانە ميكروقارجىلىق قىزمەتپەن اينالىسقان روستوۆششيكوۆ ە.ۆ. 2 جىلعا باس بوستاندىعىن شەكتەۋ جازاسىنا كەسىلدى.

تەرگەۋ بارىسىندا قما-نىڭ سقو بويىنشا دەپارتامەنتى زاڭسىز قارىز بەرۋدىڭ 78 ەپيزودىن انىقتادى. ادەتتە قارىز الۋشىلار اقشاعا اسا مۇقتاج، بانكتەن نەسيە الا الماعان ازاماتتار بولعان.

قارىز بەرۋ ءۇشىن ەكى ءتۇرلى سحەما قولدانىلعان.

ءبىرىنشى جاعدايدا نوتاريۋس ارقىلى قارىز شارتى راسىمدەلگەن، الايدا مامىلەنىڭ ناقتى تالاپتارى وندا كورسەتىلمەگەن. قۇجاتتاعى سوماعا قارىز الۋشىعا بەرىلگەن قاراجات تا، قارىزدى پايدالانعان بۇكىل كەزەڭ ءۇشىن ەسەپتەلگەن پايىز دا ەنگىزىلگەن. اقشانىڭ قايتارىلۋىن قامتاماسىز ەتۋ ءۇشىن مۇلىك كەپىلگە قويىلعان.

ەكىنشى جاعدايدا قارىز بەرۋ دەرەگى ساتىپ الۋ-ساتۋ شارتى رەتىندە بۇركەمەلەنگەن. مۇلىك ءۇشىن اقشا ءىس جۇزىندە بەرىلمەگەن، ال مۇلىكتىڭ ءوزى قارىزدىڭ كەپىلى رەتىندە پايدالانىلعان. قاراجات قايتارىلعاننان كەيىن شارت بۇزىلىپ، مۇلىك يەسىنە قايتارىلعان.

وسىلايشا، ازاماتتىق-قۇقىقتىق مامىلەلەر تۇرىندە شىن مانىندە پايىزبەن جانە مۇلىكتى كەپىلگە الىپ جۇيەلى تۇردە قارىز بەرۋ جۇزەگە اسىرىلعان.

زاڭسىز قىزمەتتىڭ ناتيجەسىندە 774 ملن تەڭگە قىلمىستىق تابىس الىنعان.

بۇل قاراجاتقا قىمبات اكتيۆتەر ساتىپ الىنعان. سوت ۇكىمىمەن مەملەكەت كىرىسىنە 6 پاتەر، Toyota RAV4 اۆتوكولىگى، Kawasaki KLX250 موتوتسيكلى، سونداي-اق قۇنى 280 ملن تەڭگە بولاتىن باعالى قاعازدار تاركىلەندى.

سوت ۇكىمى زاڭدى كۇشىنە ەنگەن جوق.

قر قما ءباسپاسوز قىزمەتى