تەرگەۋ بارىسىندا 2022 جىلدان باستاپ ەرلى-زايىپتى قارسەنوۆتار قولدان جاسالعان اكتسيزدىك ماركالارىن جانە ەتيل ءسپيرتىن پايدالانىپ، زاڭسىز الكوگول ونىمدەرىن ءوندىرۋدى ۇيىمداستىرعانى بەلگىلى بولدى. ءونىم شىمكەنت قالاسىندا عانا ەمەس، سونداي-اق كورشىلەس تۇركىستان جانە جامبىل وبلىستارىندا دا ساتىلعان.

ءتىنتۋ بارىسىندا 9 مىڭ ليتردەن استام ەتيل ءسپيرتى، 24 مىڭنان استام جالعان اكتسيز ماركالارى، ءارتۇرلى ماركالى دايىن الكوگول ونىمدەرى جانە 75 ملن تەڭگە كولەمىندە اقشالاي قاراجات تاركىلەندى.

«Follow the money» ءپرينتسيپى بويىنشا جۇرگىزىلگەن قارجىلىق تەرگەۋ ناتيجەسىندە جاسىرىن تسەحتىڭ 309 ملن تەڭگەدەن استام سوماداعى بارلىق قىلمىستىق كىرىستەرى انىقتالدى.

قىلمىستىق جولمەن الىنعان قاراجاتقا كۇدىكتىلەر جالپى قۇنى 234 ملن تەنگەنى قۇرايتىن 13 قىمبات كولىك («Toyota Land Cruiser 300»، «ZEEKR 001»، «KIA K8»، «Hyundai Grandeur»، «VOLVO» جانە ت.ب.) ساتىپ العان، تاركىلەۋدەن جاسىرۋ ماقساتىندا ولاردىڭ ءبىر بولىگىن جاقىن تۋىستارىنا راسىمدەلگەن.

سوت ۇكىمىمەن اتالعان تۇلعالار زاڭسىز كاسىپكەرلىك (قك 214-بابىنىڭ 2-بولىگى، 2-تارماعى), اكتسيزدەلەتىن تاۋارلاردىڭ تاڭبالاۋ ءتارتىبى مەن ەرەجەلەرىن بۇزۋ (قك 233-بابىنىڭ 2-بولىگى), قىلمىستىق جولمەن الىنعان اقشا مەن مۇلىكتى زاڭداستىرۋ (قك 218-بابىنىڭ 3-بولىگى، 3-تارماعى) بويىنشا كىنالى دەپ تانىلدى.

سوت ولارعا 5 جانە 6 جىلعا باس بوستاندىعىنان ايىرۋ جازاسىن تاعايىندادى. مەملەكەت كىرىسىنە قىلمىستىق جولمەن تاپقان قاراجاتقا ساتىپ الىنعان 13 كولىك پەن 75 ميلليون تەڭگە تاركىلەندى.

قما ازاماتتاردىڭ دەنساۋلىعىنا قاۋىپتى سۋرروگاتتىق الكوگول ونىمدەرىن ساتۋدىڭ جانە تۇتىنۋدىڭ ايتارلىقتاي قاۋىپ توندىرەتىنىن ەسكەرتەدى. تەحنولوگيالىق پروتسەستەردى بۇزىپ، سەرتيفيكاتتالماعان ينگرەديەنتتەردى قولدانۋ ارقىلى دايىندالعان وسىنداي سۋسىندار قۇرامىندا ۋلانۋعا، اۋىر دەرتكە، ءتىپتى ولىمگە سوقتىراتىن قاۋىپتى زاتتار بولۋى مۇمكىن.

ەگەر ءسىز ەكونوميكالىق قۇقىق بۇزۋشىلىقتار تۋرالى مالىمەت بىلسەڭىز، ونى «افم Insider» تەلەگرام-بوتىنا حابارلاۋىڭىزدى سۇرايمىز.

انونيمدىلىك كەپىلدەندىرىلگەن.