بۇگىن قىزىلوردا وبلىسىنىڭ اكىمى نۇرلىبەك نالىباەۆ، قر باس پروكۋراتۋراسى جانىنداعى قۇقىق قورعاۋ ورگاندارى اكادەمياسىنىڭ رەكتورى نۇرعالىم ءابدىروۆ قۇقىق قورعاۋ ورگاندارىنىڭ، باسقارمالاردىڭ، جەرگىلىكتى وقۋ ورىندارىنىڭ باسشىلارىمەن، پروفەسسورلار جانە ستۋدەنتتەرمەن، ادام جانە بالا قۇقىقتارى جونىندەگى ۋاكىلدەرمەن كەزدەستى.
وندا«زاڭ مەن ءتارتىپ»قاعيداتىن وڭىرلىك دەڭگەيدە ناقتى ىسكە اسىرۋ، قۇقىق قورعاۋ ورگاندارىنىڭ كاسىبي الەۋەتىن ارتتىرۋ، عىلىم مەن پراكتيكانىڭ ءوزارا بايلانىسىن كۇشەيتۋ ماسەلەلەرى تالقىلاندى.
نۇرلىبەك ماشبەكۇلى ەلىمىزدىڭ قۇقىق قورعاۋ، زاڭ شىعارۋ سالالارىنداعى اۋقىمدى رەفورمالارعا توقتالدى.
«مەملەكەت باسشىمىز 2026 جىلعى 15 ناۋرىزدا جاڭا كونستيتۋتسياعا ارنالعان رەسپۋبليكالىق رەفەرەندۋم وتكىزۋ جونىندە جارلىققا قول قويدى.كونستيتۋتسيا جوباسىندا ۇلى دالانىڭ مىڭجىلدىق تاريحىنىڭ ساباقتاستىعى ساقتالىپ، مەملەكەتتىڭ ۋنيتارلى سيپاتى مەن شەكاراسىنا، اۋماقتىق تۇتاستىعىنا قول سۇعۋعا بولمايتىنى ناقتىلانعان.ءبىزدىڭ ماقساتىمىز ورتاق، ول – تاۋەلسىز ەلىمىزدىڭ تۇراقتىلىعىن قامتاماسىز ەتىپ، حالقىمىزدىڭ ءومىر ءسۇرۋ ساپاسىن ارتتىرۋ.
ال «زاڭ مەن ءتارتىپ» قاعيداتىنىڭ كونستيتۋتسيا دەڭگەيىندە بەكىتىلۋى زاڭ ۇستەمدىگى مەملەكەت پەن قوعام ءومىرىنىڭ باستى قۇندىلىعىنا اينالاتىنىن بىلدىرەدى.بۇل مىندەت، ەڭ الدىمەن، قۇقىق قورعاۋ جۇيەسىنىڭ كاسىبيلىگىنە، كادر ساپاسى مەن باسقارۋ مادەنيەتىنە تىكەلەي بايلانىستى.
بىلتىر 30 جەلتوقساندا مەملەكەت باسشىمىز «قۇقىقبۇزۋشىلىق پروفيلاكتيكاسى تۋرالى» زاڭعا قول قويدى. بۇل زاڭ قۇقىقبۇزۋشىلىقتىڭ الدىن الۋدى جازالاۋ شارالارىنان باسىم قويىپ، پروفيلاكتيكانىڭ بىرىڭعاي جۇيەسىن قالىپتاستىرادى. كامەلەتكە تولماعاندار اراسىنداعى قۇقىققا قايشى مىنەز-قۇلىقتىڭ، تۇرمىستىق زورلىق-زومبىلىقتىڭ، الەۋمەتتىك تاۋەكەلدەردىڭ الدىن الۋ بويىنشا كەشەندى ءارى ۆەدومستۆوارالىق جۇمىستى كۇشەيتۋگە مۇمكىندىك بەرەدى.
پرەزيدەنتىمىزدىڭ تاپسىرماسىمەن «ادال ازامات» ءبىرتۇتاس تاربيە باعدارلاماسى ازىرلەنىپ، بارلىق ءبىلىم بەرۋ ۇيىمىنا ەنگىزىلدى.بۇگىندە باعدارلاما «زاڭ مەن ءتارتىپ»، «ەڭبەك ادامى»، «تازا قازاقستان» ۇستانىمدارى اياسىنا جۇيەلەندى.بۇل – بولاشاعىنا الاڭدايتىن، ۇرپاق تاربيەسىن باستى قۇندىلىق سانايتىن ەلىمىز ءۇشىن ايرىقشا ماڭىزعا يە باعىتتار»، – دەدى ن.نالىباەۆ.
جيىندا نۇرعالىم ءابدىروۆ ءسوز سويلەپ، اكادەميا بىلىكتى كادرلار دايارلاپ، قۇقىقتىق ساۋاتتىلىقتى ارتتىرۋعا باعىتتالعان جۇيەلى جۇمىستار جۇرگىزەتىنىن، ونىڭ تۇلەكتەرى قۇقىق قورعاۋ جۇيەسىنىڭ كاسىبي الەۋەتىن نىعايتىپ، «ادال ازامات» قاعيداتىن ىسكە اسىرۋعا بەلسەندى ۇلەس قوساتىنىن ايتتى.قىزىلوردا وبلىسىنىڭ پروكۋرورى ريزابەك وجاروۆ، قورقىت اتا اتىنداعى ۋنيۆەرسيتەتىنىڭ رەكتورى ناۋرىزباي بايقاداموۆ، اكادەميانىڭ كافەدرا مەڭگەرۋشىسى ارتۋر بايماحانوۆ كۇن تارتىبىندەگى ماسەلە بويىنشا بايانداما جاسادى.
ءسوز قورىتىندىسىندا وبلىس اكىمى بارشا جۇرتشىلىقتى الداعى ماڭىزدى ساياسي كەزەڭدە ەلدىك مۇددە جولىنداعى ىسكە جوعارى جاۋاپكەرشىلىكپەن بەلسەندى اتسالىسۋعا شاقىردى.
جيىن سوڭىندا ايماق باسشىسى، قر باس پروكۋراتۋراسى جانىنداعى قۇقىق قورعاۋ ورگاندارى اكادەمياسىنىڭ رەكتورى، وبلىس پروكۋرورى مەن وبلىستىق پوليتسيا دەپارتامەنتىنىڭ باستىعى قىزىلوردا وبلىسىندا كامەلەتكە تولماعانداردىڭ قاتىسۋىمەن جاسالاتىن قۇقىقبۇزۋشىلىقتاردىڭ پروفيلاكتيكاسى سالاسىنداعى ۆەدومستۆوارالىق ءوزارا ءىس-قيمىل تۋرالى كەلىسىمگە قول قويدى.
قىزىلوردا وبلىسى اكىمىنىڭ ءباسپاسوز قىزمەتى
