اۋدان ورتالىعىندا 18 پاتەرلى جاڭا تۇرعىن ءۇي پايدالانۋعا بەرىلىپ، تۇرعىنداردىڭ باسپاناعا قولجەتىمدىلىگىن ارتتىرۋ باعىتىنداعى جۇمىستار جۇيەلى تۇردە جالعاسۋدا.
حالىقتى تۇرعىن ۇيمەن قامتاماسىز ەتۋ – مەملەكەتتىك ساياساتتىڭ باسىم باعىتتارىنىڭ ءبىرى. بۇگىندە اۋدان بويىنشا تۇرعىن ءۇي كەزەگىندە 267 ادام تىركەلگەن. ولاردىڭ باسىم بولىگىن از قامتىلعان جانە كوپبالالى وتباسىلار قۇرايدى.
مەملەكەت باسشىسىنىڭ تاپسىرماسىنا سايكەس، ءبىرىنشى كەزەكتە الەۋمەتتىك وسال ساناتتاعى ازاماتتاردى – كوپبالالى جانە از قامتىلعان وتباسىلاردى، سونداي-اق مۇمكىندىگى شەكتەۋلى جانداردى باسپانامەن قامتۋعا ەرەكشە ءمان بەرىلۋدە.
اتالعان تۇرعىن ءۇي ۇزىنكول اۋداندىق ساۋلەت، قالا قۇرىلىسى جانە قۇرىلىس ءبولىمىنىڭ تاپسىرىسى بويىنشا سالىنعان. جاڭا نىساننىڭ پايدالانۋعا بەرىلۋى اۋىل تۇرعىندارى ءۇشىن ۇلكەن قۋانىش بولدى. قازىرگى تاڭدا توعىز وتباسى جاڭا پاتەرلەرىنە قونىستانىپ، زاماناۋي تۇرعىن ءۇيدىڭ بارلىق مۇمكىندىكتەرىن پايدالانۋدا. قالعان پاتەرلەر دە جاقىن ۋاقىتتا ءوز يەلەرىن تابادى دەپ كۇتىلۋدە.
تۇرعىن ءۇي قۇرىلىسى باعىتىنداعى جۇيەلى جۇمىستار الداعى ۋاقىتتا دا جالعاسىن تابادى.
اكىمدىكتىڭ ءباسپاسوز قىزمەتى
