وعان ازاماتتىق قوعامنان 10 وكىل  - ەكونوميكا، قۇقىق، كاسىپكەرلىك جانە قوعامدىق سەكتور ساراپشىلارى كىردى

قوعامدىق كەڭەستىڭ جاڭارتىلعان قۇرامىندا AERC باس ديرەكتورى جانىبەك ايعازين، «قازاقستان رەسپۋبليكاسىنىڭ اۋديتورلار پالاتاسى» جاق ۆيتسە-پرەزيدەنتى ارىستان اقان، «DASCO Consulting Group» جشس ارىپتەسى ەلدار بەيسىمبەكوۆ، «قازاقستان تەمىرجول تاسىمالداۋشىلارى قاۋىمداستىعى» زتب باس ديرەكتورىنىڭ ورىنباسارى اسحات جاپسارباي، «TALAP» قولدانبالى زەرتتەۋلەر ورتالىعى» قوعامدىق قورىنىڭ ديرەكتورى اسقار قىسىقوۆ، «وڭالتۋ جانە بانكروتتىق راسىمدەردەگى باسقارۋشىلاردىڭ قازاقستاندىق وداعى» رقب قوستاناي وبلىسى بويىنشا فيليالىنىڭ ديرەكتورى ايگۇل مۇستافينا، «ءبىرىنشى كرەديتتىك بيۋرو» جشس باس ديرەكتورى، ۇلتتىق فاكتورينگتىك قاۋىمداستىقتىڭ توراعاسى رۋسلان وماروۆ، «Fortune Partners» جشس باس ديرەكتورى، MNU سالىق قۇقىعى مەكتەبىنىڭ باسشىسى دانا توكمۋرزينا، «ستراتەگيالىق باستامالار ورتالىعى» جشس ارىپتەسى، پرەزيدەنتتىك جاستار كادرلىق رەزەرۆىنىڭ مۇشەسى ەربول تولەگەنوۆ، «كوممەنتاري» تالداۋ توبىنىڭ جەتەكشىسى، ەكونوميست ەلدار شامسۋتدينوۆ بار.

كەڭەستىڭ ۇزدىكسىز جۇمىسىن قامتاماسىز ەتۋ ءۇشىن قازىرگى ادامدار مۇشەلىكتەن شىققان جاعدايدا ازاماتتىق قوعام كانديداتتارىنىڭ رەزەرۆتىك ءتىزىمى دە قۇرىلدى.

ەسكە سالساق، قوعامدىق كەڭەس ءۇش جىل مەرزىمگە سايلانادى. ونىڭ وكىلەتتىگىنە مينيسترلىكتىڭ بيۋدجەتتىك باعدارلامالارى مەن ستراتەگيالىق جوسپارلارىنىڭ جوباسىن تالقىلاۋ، نورماتيۆتىك-قۇقىقتىق اكتىلەردى ازىرلەۋ مەن ساراپتاماسىنا قاتىسۋ، سونداي-اق زاڭنامانى جەتىلدىرۋ بويىنشا ۇسىنىستار ازىرلەۋ كىرەدى.

جاڭا قۇرامنىڭ ءبىرىنشى وتىرىسىندا اشىق داۋىس بەرۋ ارقىلى كەڭەستىڭ توراعاسى بولىپ «كوممەنتاري» تالداۋ توبىنىڭ جەتەكشىسى، ەكونوميست ەلدار شامسۋتدينوۆ سايلاندى. بۇعان قوسا، 2025 جىلعا ارنالعان جۇمىس جوسپارى بەكىتىلدى. باسىم تاقىرىپتاردىڭ قاتارىندا كاسىپكەرلىكتى دامىتۋ، جەرگىلىكتى ءوزىن-ءوزى باسقارۋدى جەتىلدىرۋ، ەنەرگەتيكانى جاڭعىرتۋ مەن جاڭا بيۋدجەت كودەكسىن ىسكە اسىرۋ بار.

سونداي-اق، قوعامدىق كەڭەس تورالقاسى قۇرىلىپ، ونىڭ قۇرامىنا: ۇەم اپپاراتىنىڭ باسشىسى ولجاس سىزدىقوۆ، كەڭەس توراعاسى ەلدار شامسۋتدينوۆ، «قر اۋديتورلار پالاتاسى» جاق ۆيتسە-پرەزيدەنتى ارىستان اقان، «TALAP» قزو ديرەكتورى اسقار كىسىقوۆ، MNU سالىق قۇقىعى مەكتەبىنىڭ باسشىسى دانا توكمۋرزينا كىردى.

وتىرىس سوڭىندا اپپارات باسشىسى ولجاس سىزدىقوۆ ەلدار شامسۋتدينوۆتى قوعامدىق كەڭەستىڭ جاڭا قۇرامىنىڭ توراعاسى بولىپ سايلانۋىمەن قۇتتىقتادى.

ء"سىزدىڭ باسشىلىعىڭىزبەن قوعامدىق كەڭەس مينيسترلىك قىزمەتىنىڭ تيىمدىلىگى مەن اشىقتىعىن ارتتىرۋعا ەلەۋلى ۇلەس قوسا وتىرىپ، سىندارلى ديالوگ ءۇشىن ماڭىزدى پلاتفورما رەتىندە ءوز ءرولىن كۇشەيتۋدى جالعاستىراتىنىنا سەنىمدىمىن", - دەپ اتاپ ءوتتى ول. اپپارات باسشىسى كەڭەستىڭ وتىرىستارى توقسانىنا كەمىندە ءبىر رەت وتكىزىلەتىنىن جەتكىزدى.