وقيعا كەشكى ۋاقىتتا ەسىل وزەنىنىڭ جاعالاۋىنداعى قوناق ۇيلەردىڭ ءبىرىنىڭ جانىندا ورىن العان. سول كەزدە اسكەري جاساقتىڭ باستىعى قاتارداعى ابزال ەرعالي، پاترۋلدەۋشىلەر قاتارداعى ءاليحان امان جانە تاحير جايىق وزدەرىنە جۇكتەلگەن اۋماقتا پاترۋلدىك قىزمەت اتقارىپ جۇرگەن.
شامامەن ساعات 21:00-دە جاسوسپىرىمدەر ۇلاندىقتارعا جۇگىنگەن. ولاردىڭ ايتۋىنشا، جات قىلىق تانىتقان بەلگىسىز ەر ادام ولاردى پىشاققا ۇقساس وتكىر زاتپەن قورقىتىپ، شابۋىل جاساۋعا ارەكەتتەنگەن.
ۇلاندىقتار وقيعا تۋرالى اسكەري جاساقتار بويىنشا كەزەكشى اعا سەرجانت بەكجان داۋلەتبايعا دەرەۋ حابار بەردى. اسكەري قىزمەتشىلەر وقيعا ورنىنا جەدەل جەتىپ، شابۋىلداۋشىنى ۇستادى.
- جاسوسپىرىمدەردىڭ قاتتى قورقىپ قالعانىن جانە ولارعا كومەك قاجەت ەكەنىن كوردىك. ۋاقىتىمىز تىعىز ەدى. ەر ادام اگرەسسيۆتى ارەكەت جاساپ، وتكىر زاتپەن قولىن سەرمەپ، قورقىتۋ سوزدەر ايتىپ جاتتى. ءبىز نۇسقاۋلىققا سايكەس ارەكەت ەتتىك: ونىڭ نازارىن باسقا جاققا اۋدارىپ، قارۋىن تارتىپ الىپ، زالالسىزداندىردىق، - دەدى قاتارداعى ابزال ەرعالي.
بۇزاقى ۇستالىپ، قۇقىق قورعاۋ ورگاندارىنىڭ قىزمەتكەرلەرىنە تاپسىرىلدى. قازىرگى ۋاقىتتا اتالعان فاكت بويىنشا تەرگەۋ امالدارى جۇرگىزىلۋدە.
قر ءىىم ۇلتتىق ۇلانىنىڭ ءباسپاسوز قىزمەتى
