قر ءىىم ۇلتتىق ۇلاننىڭ 5511 اسكەري ءبولىمىنىڭ ساربازدارى سەمەي قالاسىنداعى №19 تۇزەۋ مەكەمەسىندە قىزمەت اتقارۋ بارىسىندا بەس سمارتفون، بەس SIM-كارتا، Wi-Fi روۋتەرى مەن بەس ليتر الكوگولدى ىشىمدىكتى تۇزەۋ مەكەمەسىنە كىرگىزۋدىڭ الدىن الدى.

زاڭسىز ارەكەتكە بارعان ازامات تىيىم سالىنعان زاتتاردى ەمۋلسيا شەلەگىنە جاسىرىپ، سىرتىن بىرنەشە قاباتتاپ وراپ تاستاعان. جەدەل ماقساتتاعى باتالون بولىمشەسىنىڭ كومانديرى سەرجانت بەرىك اكيباەۆ قۇرىلىس ماتەريالىنىڭ تىم كوپ ورالعانىنا كۇدىكپەن قاراعان. — 30 ليترلىك ەمۋلسيانىڭ سىرتى سكوتچپەن ابدەن ورالعانى كۇدىك تۋدىردى. تەكسەرۋ كەزىندە شەلەك ىشىندە تاعى ءبىر ىدىستىڭ بارىن بايقادىم. سول ىدىسقا تىيىم سالىنعان زاتتار جاسىرىلعان ەكەن، — دەيدى سەرجانت اكيباەۆ. ۇستالعان ازامات كىناسىن مويىندادى. تابىلعان زاتتار تاركىلەنىپ، مەكەمەنىڭ كۇزەت قىزمەتىنە تاپسىرىلدى.