تەكسەرۋ بارىسىندا ارال-سىرداريا باسسەيندىك ينسپەكتسياسىنىڭ ماماندارى تۇركىستان وبلىسى شاردارا اۋدانىنىڭ جاۋشىقۇم سۋارۋ القابىنان تىركەلمەگەن 24 سورعى قوندىرعىسىن انىقتادى.

تەكسەرۋ ناتيجەلەرى ءتيىستى شارالار قابىلداۋ ءۇشىن جەرگىلىكتى اتقارۋشى ورگاندارعا جولداندى. سونداي-اق جەرگىلىكتى اكىمدىككە انىقتالعان زاڭبۇزۋشىلىقتاردى جويۋ بويىنشا ۇسىنىستار بەرىلدى.

ەسكە سالا كەتسەك، 2025 جىلدىڭ ءبىرىنشى توقسانىندا سۋ رەسۋرستارى جانە يرريگاتسيا مينيسترلىگىنىڭ باسسەيندىك ينسپەكتسيالارى 20 تەكسەرۋ جۇرگىزىپ، ناتيجەسىندە 26 زاڭ بۇزۋشىلىق انىقتالىپ، 10 ۇيعارىم شىعارىلىپ، 13,3 ملن تەڭگە سوماسىنا 133 اكىمشىلىك ايىپپۇل سالىندى. 2024 جىلى باسسەيندىك ينسپەكتسيالار 439 تەكسەرۋ جۇرگىزىپ، ونىڭ بارىسىندا 1 855 زاڭ بۇزۋشىلىق انىقتالىپ، 429 ۇيعارىم شىعارىلدى. جالپى سوماسى 48,4 ملن تەڭگەگە 582 اكىمشىلىك ايىپپۇل سالىندى.

"10 ماۋسىمنان باستاپ جاڭا سۋ كودەكسى كۇشىنە ەنەدى. قۇجاتقا سايكەس، باسسەيندىك ينسپەكتسيالار قاداعالاۋ جانە جەدەل ارەكەت ەتۋ شارالارىن قابىلداۋ قۇقىعىنا يە بولادى. سونىمەن قاتار سۋ كودەكسىنە سايكەس، اكىمشىلىك كودەكسكە دە وزگەرىستەر ەنگىزىلىپ، سۋ زاڭناماسىن بۇزعاندارعا جازالاۋ شارالارى كۇشەيتىلەدى", - دەدى سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ.

ءباسپاسوز قىزمەتى