بۇگىن تورەتام تەمىرجول ۆوكزالىنىڭ دا اشىلۋ سالتاناتى ءوتتى. وعان قارماقشى اۋدانىنا جۇمىس ساپارىمەن بارعان وبلىس اكىمى مۇرات ەرگەشباەۆ قر قۇرىلتاي دەپۋتاتتارى سەرىك قوجانيازوۆ، نۇركەن باقىتبەكۇلى، ماعجان ەراليەۆ، يرينا تەن، ءماسليحات دەپۋتاتتارى، زيالى قاۋىم وكىلدەرى مەن ەل اعالارى قاتىستى.
ايماق باسشىسى تەمىرجول ينفراقۇرىلىمىن دامىتۋداعى جۇمىستارعا توقتالىپ، ۆوكزالداردى زامان تالابىنا ساي جاڭعىرتۋ تۇرعىندار ءۇشىن دە، ايماعىمىزعا كەلەتىن قوناقتار ءۇشىن دە ماڭىزدى ەكەنىن اتاپ ءوتتى.
«سىر ءوڭىرى – توعىز جولدىڭ تورابىندا ورنالاسقان، وڭىرلەردى ءبىر-بىرىمەن جالعاعان ماڭىزدى كولىك ءدالىزى. وبلىس اۋماعىنان 15جولاۋشى پويىزى وتەدى. وبلىس ورتالىعىنان استانا، پەتروپاۆل، پاۆلودار، كوكشەتاۋ، سەمەي،تۇركىستان قالالارىنا پويىز قاتىنايدى.
بۇگىن – قاسيەت قونعان، قورقىت بابا دۇنيەگە كەلگەن قارماقشى اۋدانىندا قۋانىشتى كۇن!وزدەرىڭىزبەن بىرگە ايماعىمىز ءۇشىن ماڭىزى زور جوبالار – تورەتام جانە جوسالى تەمىرجول ۆوكزالدارىن پايدالانۋعا بەرەمىز. ەل يگىلىگى جولىنداعى بارلىق باستاماعا ساتتىلىك تىلەيمىز!سونداي-اق وسى نىساندى كۇردەلى جوندەۋدەن وتكىزۋگە ۇلەس قوسقان ازاماتتارعا العىسىمىزدى بىلدىرەمىز.
بارشاڭىزعا زور دەنساۋلىق، وتباسىلارىڭىزعا اماندىق پەن باق-بەرەكە تىلەيمىن! ەلىمىز امان، جۇرتىمىز تىنىش بولسىن!»، – دەدى مۇرات ەرگەشباەۆ.
راسىمدە قۇرىلتاي دەپۋتاتى ماعجان ەراليەۆ ءسوز سويلەپ، قارماقشى اۋداندىق ارداگەرلەر كەڭەسىنىڭ توراعاسى اسقار مەرەكوۆ اق باتاسىن بەردى. تەمىرجول سالاسىنىڭ جانە مەردىگەر مەكەمەنىڭ قىزمەتكەرلەرى وبلىس اكىمىنىڭ العىس حاتىمەن ماراپاتتالدى.
تورەتام تەمىرجول ۆوكزالىنىڭ تاريحى بايقوڭىر عارىش ايلاعىنىڭ قۇرىلۋ جانە قالىپتاسۋ كەزەڭىمەن تىعىز بايلانىستى. ستانتسيا ارقىلى ايلاققا قاجەتتى قۇرىلىس ماتەريالدارى، جابدىقتار جانە جۇك تاسىمالدانعان.
جاڭعىرتىلعان ۆوكزال تاۋلىگىنە 250 جولاۋشىعا قىزمەت كورسەتەدى. كۇردەلى جوندەۋ كەزىندەعيماراتتىڭ قاسبەتى مەن ىرگەتاسى قاپتالىپ، شاتىر جابىنى، ەسىك-تەرەزەلەرى اۋىستىرىلدى. ەلەكتر جەلىلەرى جاڭارتىلىپ، جىلۋ جۇيەسى جۇرگىزىلدى،زاماناۋي تالاپقا ساي جابدىقتالدى.
مۇندا جولاۋشىلارعا ارنالعان كۇتۋ زالى، مۇگەدەكتىگى بار جانە بالالى جولاۋشىلارعا ارنالعان ارنايى بولمەلەر، مەديتسينالىق پۋنكت قاراستىرىلعان. قايتا جاڭعىرتۋ جۇمىستارىنا 1 ملرد تەڭگە قارجى ءبولىندى.
قىزىلوردا وبلىسى اكىمىنىڭ ءباسپاسوز قىزمەتى
