قۇجات:

قالانىڭ تاريحي-مادەني ەسكەرتكىشتەرى مەن نىساندارىن باسقارۋدىڭ، ساقتاۋدىڭ جانە تۇتاستىعىن قامتاماسىز ەتۋدىڭ ءتيىمدى جۇيەسىن قۇرۋعا;

قوجا احمەت ياساۋي كەسەنەسى مەن ونىڭ قورعاۋ ايماعىنداعى ەسكەرتكىشتەرگە ارحەولوگيالىق جانە عىلىمي-رەستاۆراتسيالىق جۇمىستاردى جوسپارلاۋعا جانە باسقارۋعا;

تاريحي-مادەني مۇرانى ساقتاۋعا، دامىتۋعا، قايتا جاڭعىرتۋعا جانە ۇلتتىق قولونەردى دارىپتەۋگە;

قالانىڭ تاريحي-مادەني نىساندارىن قورعاۋ جانە پايدالانۋ جونىندە قابىلدانعان شەشىمدەردى عىلىمي تۇرعىدان قامتاماسىز ەتۋگە باعىتتالعان.

قوجا احمەت ياساۋي كەسەنەسىنىڭ بىرەگەيلىگىن ساقتاپ قالۋ ءۇشىن تۇركىستان قالاسىنىڭ اۋماعىندا تاريحي نىساندارعا ايتارلىقتاي قاۋىپ ءتوندىرۋى مۇمكىن جۇمىستاردى جۇرگىزۋگە تىيىم سالىنادى. سونىمەن قاتار كەسەنەنى قورعاۋ ايماعىندا بيىكتىگى 7 مەتردەن اساتىن جانە ونىڭ شەكاراسىنان 100 مەتر قاشىقتىقتا اۋقىمى، ءتۇسى مەن قۇرىلىس ماتەريالدارى بويىنشا ەسكەرتكىشتەرمەن ۇيلەسپەيتىن نىساندار سالۋعا رۇقسات ەتىلمەيدى.

شاھار اۋماعىندا ارحەولوگيالىق ەسكەرتكىشتەردىڭ رەزەرۆاتى قۇرىلادى.

قالادا جايلى ورتا قۇرۋ، سونىڭ ىشىندە مۇگەدەكتىگى بار ادامدارعا ينفراقۇرىلىمداردى قولجەتىمدى ەتۋ جانە ينكليۋزيۆتى ءتۋريزمدى دامىتۋ ماڭىزدى باعىتقا اينالادى. بۇل جەرگىلىكتى تۇرعىندار مەن تۋريستەر ءۇشىن قالانى قولايلى ءارى تارتىمدى ەتۋگە مۇمكىندىك بەرەدى.

قالانىڭ دامۋىن ءتيىمدى باسقارۋ ءۇشىن تۇركىستاننىڭ اكىمدىگى مەن ءماسليحاتى قوسىمشا وكىلەتتىككە يە بولادى. سول ارقىلى شەشىمدەردى قابىلداۋ ۇدەرىسى جەدەلدەيدى، تاريحي-مادەني نىسانداردى ساقتاۋعا باقىلاۋ كۇشەيەدى جانە قالانىڭ بىرىڭعاي ديزاين كودى ەنگىزىلەدى. ءوز كەزەگىندە مەملەكەتتىك باقىلاۋ قولونەر شەبەرلەرىن قولداۋعا، كولىك ءترانزيتىن رەتتەۋگە جانە قالانىڭ تاريحي بىرەگەيلىگىن ساقتاۋعا ىقپال ەتەدى.

Akorda.kz