جاريالانعان قۇجاتتا لاۋازىمدى تۇلعالاردىڭ ءوز مىندەتتەرىن ءتيىستى دەڭگەيدە اتقارماۋى جۇمىستان بوساتۋعا سەبەپ بولعانى ايتىلعان.
- تالعار قالاسىنىڭ اكىمى قۋاتبەكۇلى باحىت كۇرىشبەكوۆ، تالعار قالاسى اكىمىنىڭ ورىنباسارى ماتان ساعىندىق ءوز مىندەتتەرىن ءتيىستى دەڭگەيدە اتقارماعانى ءۇشىن لاۋازىمدارىنان بوساتىلدى. باسقا لاۋازىمداعى قىزمەتكەرلەردىڭ جاۋاپكەرشىلىك دەڭگەيى پىسىقتالىپ جاتىر، - دەلىنگەن قۇجاتتا.
ەسكە سالايىق، 4 قازان كۇنى تالعار قالاسىنداعى توبەلەستەن ءجاسوسپىرىم قايتىس بولعانىن جازعانبىز.
بۇگىن تۇنگى ۋاقىتتا جانجالدان قايتىس بولعان 16 جاسار شەرزاتتىڭ ءۇيى ورتەنىپ، پوليتسيا ونىڭ وتباسىن قورعاۋعا الدى.
قر باس پروكۋراتۋراسى بۇل جاعدايعا بايلانىستى مالىمدەمە جاسادى.
سونداي-اق، الماتى وبلىسىنىڭ اكىمدىگى تالعاردا ءۇيى ورتەنگەن وتباسىعا كومەكتەسەتىنىن حابارلادى.
