اتالعان ءىس-شارا استانا قالاسى اكىمدىگىنىڭ بالالارعا قوسىمشا ءبىلىم بەرۋ وقۋ-ادىستەمەلىك ورتالىعى جانە №100 جالپى ورتا ءبىلىم بەرەتىن مەكتەپتىڭ ۇيىمداستىرۋىمەن «ادال ازامات» ءبىرتۇتاس تاربيە باعدارلاماسىنىڭ «قامقور» جوباسىن، سونداي-اق «ەكولوگيالىق مادەنيەتتى دامىتۋدىڭ 2024-2029 جىلدارعا ارنالعان «تازا قازاقستان» تۇجىرىمداماسىن ىسكە اسىرۋ، تابيعاتتى قورعاۋ جانە ەكولوگيالىق مادەنيەتتى قالىپتاستىرۋ ماقساتىندا وتكىزىلدى. ءىس-شاراعا مەكتەپتىڭ 7-سىنىپ وقۋشىلارى قاتىستى.
كۆەست – قاتىسۋشىلاردىڭ قىزىعۋشىلىعىن ارتتىرىپ، بىلىمدەرىن ويىن تۇرىندە تولىقتىرۋعا مۇمكىندىك بەرەتىن زاماناۋي ءادىس. كۆەست بارىسىندا قاتىسۋشىلار كىتاپحانا ىشىندە ورنالاستىرىلعان QR-كودتاردى ىزدەپ تاۋىپ، سمارتفون ارقىلى سكانەرلەپ ەكولوگيا تاقىرىبىنا بەرىلگەن تاپسىرماعا جاۋاپ بەردى. جاۋاپتار كىتاپتار مەن وقۋ زالىنىڭ اقپاراتتىق ماتەريالدارى ارقىلى تابىلدى.
ءىس-شارا تانىمدىق جانە ويىن فورماتىندا ءوتىپ، قاتىسۋشىلاردىڭ تابيعاتقا جاۋاپكەرشىلىكپەن قاراۋىن جانە كىتاپحانا رەسۋرستارىن ءتيىمدى پايدالانۋىن ارتتىرۋعا باعىتتالدى. قاتىسۋشىلار ەكولوگيا تاقىرىبىنا ارنالعان سۇراقتاردى دايىنداپ، QR-كودتار جازىلعان تاپسىرمالارعا بەرىلگەن ۋاقىت ىشىندە جاۋاپ بەردى. ەكولوگيا تاقىرىبىنا ارنالعان كىتاپتار، ەنتسيكلوپەديالار، انىقتامالىق ماتەريالدار كىتاپحاناعا قويىلدى.
