قما سولتۇستىك قازاقستان وبلىسى بويىنشا دەپارتامەنتى ايىرتاۋ اۋدانىنداعى قۇرىلىس كەزىندە بيۋدجەت قاراجاتىن جىمقىرۋ دەرەگى بويىنشا تەرگەپ-تەكسەرۋ جۇرگىزىپ جاتىر.

2017 جىلى ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسى «بيزنەستىڭ جول كارتاسى — 2020» باعدارلاماسىن ىسكە اسىرۋ اياسىندا «Akcent KZ» جشس-مەن «سىرىمبەت» كەن ورنىنا دەيىن ىشكى الاڭداعى جول تارماقتارى مەن ينجەنەرلىك جەلىلەرى بار تەمىرجول كىرمە جولىن سالۋ جونىندە شارت جاساسقان.

«سىرىمبەت» كەن ورنىنىڭ ءوڭىر ءۇشىن ستراتەگيالىق ماڭىزى بار. ول — قازاقستانداعى جالعىز ءارى ورتالىق ازياداعى ەڭ ءىرى قالايى كەن ورنى.

مەملەكەتتىك ساتىپ الۋدىڭ جالپى قۇنى 1,4 ملرد تەڭگەنى قۇرادى.

باستاپقىدا قۇرىلىس 2018 جىلى اياقتالادى دەپ جوسپارلانعان، الايدا جوبانى ىسكە اسىرۋ مەرزىمى بىرنەشە رەت ۇزارتىلعان. سوعان قاراماستان، نىسان قۇرىلىسى ءالى كۇنگە دەيىن اياقتالماعان.

ناتيجەسىندە ءىس جۇزىندە ورىندالماعان جۇمىستاردىڭ قۇنى 380 ملن تەڭگەنى قۇرادى.

ءىس بويىنشا مەردىگەر ۇيىمنىڭ باسشىسى جانە ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ بۇرىنعى باسشىسى كۇدىكتى دەپ تانىلدى.

سوت سانكتسياسىمەن 3 پاتەر مەن اۆتوتۇراق ورنىنا تىيىم سالىندى.

تەرگەپ-تەكسەرۋ جالعاسىپ جاتىر.

وزگە اقپارات قر قپك-ءنىڭ 201-بابىنا سايكەس جاريا ەتۋگە جاتپايدى.

قر قما ءباسپاسوز قىزمەتى