بۇگىن وبلىس اكىمى نۇرلىبەك نالىباەۆتىڭ، ءماسليحات دەپۋتاتتارى، زيالى قاۋىم وكىلدەرى جانە ەل اعالارىنىڭ قاتىسۋىمەن سىرداريا اۋدانىندا جۇگەرى داقىلىن تەرەڭ وڭدەۋ زاۋىتىنىڭ ىرگەتاسىن قالاۋ ءراسىمى ءوتتى. 

ايماق باسشىسى جينالعان جۇرتشىلىقتى جاڭا جوبانىڭ باستالۋىمەن قۇتتىقتاپ، اگروونەركاسىپ كەشەنىن دامىتۋ باعىتىنداعى جۇمىستارعا توقتالدى. «پرەزيدەنتىمىز ايقىنداپ بەرگەن ەكونوميكانى ءارتاراپتاندىرۋ، وڭدەۋ ونەركاسىبىن دامىتۋ جونىندەگى ستراتەگيالىق مىندەتتەر اياسىندا ايماعىمىزدا ناقتى ىستەردى كەزەڭ-كەزەڭىمەن جۇزەگە اسىرىپ كەلەمىز. وتكەن جىلى تامىز ايىندا جەتىسۋ وڭىرىنە ارنايى جۇمىس ساپارىمەن بارىپ، ەلىمىزدەگى ءىرى ءوندىرىس ورىندارىنىڭ ءبىرى – «جاركەنت كراحمال-سىرنە زاۋىتىمەن» جان-جاقتى تانىستىق. كەلىسسوزدەر ناتيجەسىندە سەرىكتەستىكتىڭ قولداۋىمەن وبلىسىمىزدا جۇگەرى داقىلىن تەرەڭ وڭدەيتىن جاڭا زاۋىت سالۋ جونىندە ماڭىزدى كەلىسىمگە قول جەتتى. 

بۇگىن ايماعىمىز، ونىڭ ىشىندە سىرداريا اۋدانىنىڭ تۇرعىندارى ءۇشىن اسا ماڭىزدى، تاريحي ءساتتىڭ كۋاسى بولۋعا جينالدىق. جىلىنا 150 مىڭ توننا جۇگەرى داقىلىن تەرەڭ وڭدەيتىن، 40 ملرد.تەڭگەنىڭ جاڭا ءوندىرىس ورنىنىڭ ىرگەتاسى قالانۋدا. زاۋىت زاماناۋي تالاپتارعا ساي جوعارى ساپالى تەحنولوگيالارمەن جابدىقتالىپ، 550 ادامدىتۇراقتى جۇمىسپەن قامتاماسىز ەتەدى. 

بيىلدان باستاپ جۇگەرى ەگىسى 15 مىڭ گەكتارعا دەيىن ۇلعايتىلادى. بۇل كورسەتكىش جىل سايىن ارتىپ، ءوڭىرىمىزدىڭ اگرارلىق الەۋەتىن جاڭا دەڭگەيگە كوتەرۋگە مۇمكىندىك بەرەدى. تەرەڭ وڭدەۋگە باعىتتالعان جۇگەرى ءوندىرىسىن قولعا العان شارۋالارعا مەملەكەت تاراپىنان قارجىلاي كومەك كورسەتىلەدى. ماڭىزدى جوبانى جۇزەگە اسىرۋعا باستاماشى بولىپ، زور ۇلەس قوسقان ينۆەستورلارعا تاعى دا شىنايى العىسىمدى، زور ريزاشىلىعىمدى بىلدىرەمىن. زاۋىت قۇرىلىسىنىڭ ءساتتى اياقتالۋىنا، جاڭا نىساننىڭ ەل يگىلىگىنە قىزمەت ەتۋىنە تىلەكتەسپىن»، – دەدى نۇرلىبەك ماشبەكۇلى.

راسىمدە مەملەكەت جانە قوعام قايراتكەرى بەكمىرزا ەلامانوۆ ءسوز سويلەپ، باتاسىن بەردى.

ايتا كەتۋ كەرەك، 2022-2025 جىلدارى مەملەكەت تاراپىنان اگرارلىق سالانى قولداۋعا 92,4 ملرد تەڭگە ءبولىندى. بيىل بۇل ماقساتقا 34 ملرد 800 ملن تەڭگە قاراستىرىلعان. شارۋاشىلىقتار ەسەبىنەن 58 ملرد تەڭگەدەن استام ينۆەستيتسيا تارتىلدى.

وتكەن جىلى اۋىل شارۋاشىلىعىندا 11 ملرد 600 ملن تەڭگەنىڭ 16 ينۆەستيتسيالىق جوباسى ىسكە قوسىلىپ، سالانىڭ نەگىزگى قورىنا تارتىلعان ينۆەستيتسيا كولەمى 74 پايىزعا ارتتى. 

2026-2028 جىلدارعا ارنالعان ينۆەستيتسيالىق جوبالاردىڭ جول كارتاسى ازىرلەنىپ، وعان 138 ملرد 200 ملن تەڭگەنىڭ 17 جوباسى ەنگىزىلدى. جۇيەلى جۇمىستىڭ ارقاسىندا جالپى ءونىم كولەمى جىل سايىن ءوسىپ كەلەدى. 

ماسەلەن، وتكەن جىلى بۇل كورسەتكىش 233 ملرد 450 ملن تەڭگە بولسا، بيىل 240 ملرد 400 ملن تەڭگەگە جەتكىزۋ جوسپارلانعان.

@قىزىلوردا وبلىسى اكىمىنىڭ ءباسپاسوز قىزمەتى