بۇگىن وبلىس اكىمى مۇرات ەرگەشباەۆ قىتايدىڭ «Suchun Environmental Protection» كومپانياسىنىڭ وكىلدەرىمەن كەزدەستى. وندا تاراپتار قورشاعان ورتانى قورعاۋ سالاسىنداعى ينۆەستيتسيالىق جوبالاردى، وڭىردەگى ەكولوگيالىق ماسەلەلەردى شەشۋ جولدارىن جانە ءوزارا ءتيىمدى ىنتىماقتاستىق ورناتۋ مۇمكىندىكتەرىن تالقىلادى.

سونىمەن قاتار وبلىستىڭ ينۆەستيتسيالىق الەۋەتى، ەكونوميكالىق مۇمكىندىكتەرى تانىستىرىلدى. اسىرەسە، ايماقتىڭ تابيعي رەسۋرستارى مەن شيكىزاتتىق بازاسىن ءتيىمدى پايدالانا وتىرىپ جۇزەگە اسىرىلاتىن پەرسپەكتيۆالى ينۆەستيتسيالىق جوبالارعا باسىمدىق بەرىلدى. تاراپتار ەكولوگيا سالاسىنداعى زاماناۋي تەحنولوگيالاردى ەنگىزۋ، وندىرىستىك الەۋەتتى دامىتۋ جانە قورشاعان ورتاعا تۇسەتىن جۇكتەمەنى ازايتۋداعى بىرلەسكەن باستامالاردى قاراستىردى.

كەزدەسۋدە ايماق باسشىسى وڭىردە جاڭا جوبالارعا، شەتەلدىك ينۆەستورلارمەن ارىپتەستىكتى نىعايتۋعا ەرەكشە ءمان بەرىلەتىنىن اتاپ ءوتتى. سونداي-اق ينۆەستورلارعا جان-جاقتى قولداۋ، قاجەتتى ۇيىمداستىرۋشىلىق جانە پراكتيكالىق كومەك كورسەتىلەدى.

ءباسپاسوز قىزمەتى